Գաբրիել Նահապետյան

Բանասեր, հայագետ

Պողոս Զուրաբյան

Ճարտարապետ, ճարտարագետ

Մարիա Բերոյան

Դերասանուհի

Սոս Սոսյան

Դերասան

Ռուբեն Սանոյան

Դրամատուրգ, գրաքննադատ

Նոնա Գաբրիելյան

Գեղանկարչուհի, խեցեգործ

Տիգրան Արզումանյան

Քանդակագործ

Գրիգոր Գրիգորյան

Բալետի արտիստ

 

 

 

 

ԱՐՄԵՆԱԿ ՄՈՒՐՎԱԼՅԱՆ

Լեզվաբան

7 հոկտեմբեր, 1910 - 2 նոյեմբեր, 1967

Ծնվել է Վրաստանի Սիղնաղ քաղաքում: Միջնակարգ կրթությունն ստացել է Թբիլիսիում: 1938թ. ավարտել է Երևանի պետական համալսարանի բանասիրական ֆակուլտետը և ընդունվել Արմֆանի լեզվի և գրականության ինստիտուտի ասպիրանտուրա՝ «Վրացագիտություն» մասնագիտությամբ: Մասնակցել է Երկրորդ համաշխարհային պատերազմին, 1942թ. Ղրիմի մարտերում ծանր վիրավորվել: 1943թ. աշխատանքի է անցել ՀՀ ԳԱ Հ.Աճառյանի անվան լեզվի ինստիտուտում, որպես գիտաշխատող: Զբաղվել է հայերենի և վրացերենի, ինչպես նաև հայերենի և այլ լեզուների բառային ու քերականական ընդհանրությունների ուսումնասիրությամբ («Հայ-վրացական բառային զուգադիպումներ», 1947թ., «Հայերենի մասնիկները և նրանց առնչությունները վրաց և կովկասյան մյուս լեզուների հետ», 1949թ.)։ Գրել է նաև հայերենի բառապաշարին վերաբերող գործեր։ Առանձին գրքերով լույս են տեսել նրա «Հայոց լեզվի բառային կազմը» (1955թ.), «Հայոց լեզվի դարձվածաբանություն և բայակազմություն» (1959թ.) աշխատությունները։ 1948թ. ստացել է բանասիրական գիտությունների դոկտորի գիտական աստիճան: Մահացել է Երևանում: