Խաչատուր Լազարյան

Պետական, մշակութային գործիչ

Բարսեղ Սարգիսյան

Բանասեր, հայագետ, ձեռագրագետ

Նորայր Կարգանյան

Քանդակագործ

Աշոտ Գրիգորյան

Ճարտարապետ

Աշոտ Բաբայան

Կոմպոզիտոր

Ներսես Աթաբեկյան

Բանաստեղծ, թարգմանիչ

Աշոտ Հարությունյան

Քանդակագործ

Վարդան Օնանյան

Հաղորդավար, լրագրող

Նիկոլայ Մադոյան

Ջութակահար

Արտաշես Սարգսյան

Հաղորդավար

Նիկոլ Փաշինյան

Պետական գործիչ, լրագրող

 

 

 

 

ՄԵՍՐՈՊ ՃԱՆԱՇՅԱՆ

Գրականագետ, բանաստեղծ, թարգմանիչ

11 հունվար, 1908 - 13 ապրիլ, 1974

Պետրոս Ճանաշեան

Ծնվել է Անկարայում: Սկզբնական կրթությունն ստացել է Վենետիկի Մուրատ-Ռափայելյան վարժարանում։ 1923-27թթ սովորել է Մխիթարյան միաբանության դպրոցում, 1928-31թթ՝ Հռոմի Ա.Անսելմոսի համաւսարանի փիլիսոփայության, 1931-35թթ՝ աստվածաբանության ֆակուլտետներում։ 1931թ-ից եղել է Մխիթարյան միաբանության անդամ։ 1937թ. տեղափոխվել է Փարիզ, դասավանդել հայկական վարժարաններում։ 1939-42թթ եղել է Վենետիկի վարժարանի տնօրենը, 1942թ-ից, որոշ ընդմիջումներով՝ «Բազմավեպ»-ի խմբագիրը, 1955-69թթ՝ նաև տպարանապետը։ 1953թ. հրատարակել է «Պատմություն արդի հայ գրականության» մեծածավալ աշխատության 1-ին հատորը, 1973թ.՝ «Հայ գրականության նոր շրջանի համառոտ պատմությունը»։ Առանձին գրքերով լույս է ընծայել «Լորդ Բայրոնը Սբ. Ղազարում» (ֆրանսերեն, 1960թ.), «Սայաթ-Նովա» (1964թ.), «Սբ. Ներսես Շնորհալիի շարականները» (1973թ.) և այլ գրական ուսումնասիրություններ։ Տպագրել է «Հոգետավիղ» (1954թ.), «Լուսաղբյուր» (1960թ.), «Մեսրոպական» (1963թ., նվիրված Մեսրոպ Մաշտոցին), «Փշրված քնար» (1973թ., նվիրված Պետրոս Դուրյանին) բանաստեղծությունների ժողովածուները։ Կազմել է «Ծաղկաքաղ արդի հայ գրականության» (հ.1-2, 1957-60թթ) հատընտիրը, «Հայկական մանրանկարչություն» (1966թ.) ալբոմը (արվեստաբան Մ.Տեր-Ներսեսյանի առաջաբանով)։ Իտալերեն է թարգմանել հայ գրողների մի շարք չափածո գործեր, որոնք լույս են տեսել «Արդի հայ բանաստեղծություն» (1963թ.) գրքով։ Նախաբանում հակիրճ տվել է հայ գրականության անցած ուղին։ Մահացել է Վենետիկում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար