ԹԱԴԵՈՍ ԹՈՌՆՅԱՆ

3 հոկտեմբեր, 1843 - 5 հունվար, 1928

Ծնվել է Զմյուռնիայում (այժմ՝ Իզմիր): 1859թ-ից եղել է Վիեննայի Մխիթարյան միաբանության անդամ: Տիրապետել է հունարեն (հին և նոր), լատիներեն, իտալերեն, ֆրանսերեն, գերմաներեն և այլ լեզուների: Զբաղվել է ուսուցչությամբ, եղել Զմյուռնիայի և Կ.Պոլսի կղերանոցների վարիչ: «Հատընտիր ընթերցվածք ի մատենագրությանց նախնյաց»-ում (հ.1-2, 1866-1910թթ, Վիեննա) զետեղել է գրաբար մատենագրությունից ընտրված հատվածներ, դրանք համեմատել բնագրերի հետ, ուղղել բազմաթիվ աղավաղումներ: Տողատակում տվել է դրանց լեզվաբանական բացատրություններն ու հիմնավորումները, որոնք մեծ արժեք են ներկայացնում հայոց լեզվի պատմության համար: Մահացել է Վիեննայում: