Գաբրիել Նահապետյան

Բանասեր, հայագետ

Պողոս Զուրաբյան

Ճարտարապետ, ճարտարագետ

Մարիա Բերոյան

Դերասանուհի

Սոս Սոսյան

Դերասան

Ռուբեն Սանոյան

Դրամատուրգ, գրաքննադատ

Նոնա Գաբրիելյան

Գեղանկարչուհի, խեցեգործ

Տիգրան Արզումանյան

Քանդակագործ

Գրիգոր Գրիգորյան

Բալետի արտիստ

 

 

 

 

ԱՐԹՈՒՐ ՕՇԱԿԱՆՑԻ

Գեղանկարիչ

Արթուր Սարգսյան

Ծնվել է 1953թ. հոկտեմբերի 5-ին, ՀՀ Օշական գյուղում: 1972-76թթ սովորել է Երևանի Խ.Աբովյանի անվան պետական մանկավարժական համալսարանի արվեստի բաժնում: 1988թ-ից Հայաստանի նկարիչների միության անդամ է, 2005թ-ից՝ Լոնդոնի NHS-ի պատվավոր նկարիչ, 2007թ-ից՝ ՅՈՒՆԵՍԿՕ-ի նկարիչների միջազգային միության անդամ: 1971-72թթ եղել է «Հայֆիլմ» կինոստուդիայի նկարիչ-մուլտիպլիկատոր, 1974-76թթ՝ Հայաստանի պետական պատկերասրահի նկարիչ-վերականգնող, 1977-78թթ՝ Երևանի թիվ 122 միջնակարգ դպրոցի նկարչության և գծագրության ուսուցիչ, 1978-80թթ՝ Հայաստանի լուսավորության նախարարության լուսաշխի տան գլխավոր նկարիչը: 1980թ-ից նկարների վրա ստորագրում է Արթուր Օշականցի: Նկարչի նկարներում արտահայտված են մարդու և բնության ներդաշնակությունը, արվեստագետի ինքնատիպ աշխարհընկալումը: Գործերում նկատելի են տարբեր ուղղությունների (ռեալիզմ, սյուրռեալիզմ, աբստրակցիոնիզմ) և ոճերի տարրեր: Աշխատանքներից են՝ «Տիեզերքի նկարիչը» (1973թ.), «Միայնակը» (1976թ.), «Բնության ներդաշնակություն» նկարաշարը (1981-82թթ, ԺԱԹ), «ժառանգություն» (1982թ., Մյունխենի Ֆրիդման Շտոկերտ թանգարան), «Արյան խաչելություն» (1989թ.), «Մթնոլորտ» (1989թ.), «Մարդ, կին, անկողին» (1991թ., Վարշավայի անկախության թանգարան), «Ժամանակ և տարածություն» նկարաշարը (2004-05թթ) և այլն: 1992թ-ից Գոթենհամ թանգարանի հրավերով հաստատվել է Լոնդոնում: 2005թ-ից Մեծ Բրիտանիայի Միացյալ Թագավորության առողջապահության նախարարության արվեստի բաժնի պատվավոր նկարիչ է: 2004թ. արժանացել է Լոնդոնի Գրով թանգարանի Մեծ մրցանակի: 2003թ. Նյու Յորքի «Մետրոպոլիտեն» թանգարանը նրան հռչակել է աբստրակտ նատուրալիզմի հիմնադիր արվեստի պատմության մեջ: Հիմնել և ղեկավարում է «Sensational Art Group» խումբը: 1989թ. հրավերով ցուցահանդեսներ է կազմակերպել և դասախոսություններ կարդացել ԱՄՆ-ի Վաշինգտոն, Արլինգտոն, Վիրջինիա, Ալեքսանդրիա քաղաքներում, Միչիգանի համալսարանում և Մինոթավոր պատկերասրահում: 1990-92թթ հրավերով ցուցահանդեսներ է կազմակերպել Լեհաստանում: Մասնակցել է 100-ից ավելի խմբակային ցուցահանդեսների: Անհատական ցուցահանդեսներ է ունեցել Երևանում (1974թ., 2001թ., 2004թ., 2005թ., 2006թ.), Վարշավայում (1991թ.), Միչիգանում (1991թ.), Լոնդոնում (1994-2006թթ), Վանաձորում (2011թ.): Գործերից պահվում են Հայաստանի, Ֆրանսիայի, Շվեյցարիայի, Ռուսաստանի, Գերմանիայի, Լեհաստանի, Անգլիայի, ԱՄՆ-ի մի շարք թանգարաններում և մասնավոր հավաքածուներում: