ՎԱԼԵՆՏԻՆԱ ԱՃԵՄՅԱՆ

22 հուլիս, 1913 - 23 հուլիս, 1991

Ծնվել է Արևմտյան Հայաստանի Վան քաղաքում: Եղել է ճարտարապետ Բաղդասար Բաղդասարյանի կինը: 1937թ. ավարտել է Երևանի պոլիտեխնիկական ինստիտուտը: 1938-81թթ եղել է Հայարդնախագիծ ինստիտուտի գլխավոր մասնագետ: Նրա նախագծերով կառուցվել են Երևանի հաստոցաշինական գործարանի վարչական շենքը (1955թ.), էլեկտրամեքենաշինականի երկու մասնաշենքերը (1940-41թթ), Ստեփանավանի էլեկտրատեխնիկական (1962-63թթ), Երևանի գինեթթվի (1959-60թթ), Դալարի և Արաքսի գինու (1953-54թթ) գործարանները և այլն: 1948թ. դարձել է Կին ճարտարապետների ստեղծագործության համամիութենական մրցույթի դափնեկիր: 1971թ. արժանացել է Հայաստանի վաստակավոր ճարտարապետի կոչման: Մահացել է Երևանում: