
Աբրահամ Արծիվյան
Մշակութային, եկեղեցական գործիչ

Ղազարոս Բուդաղյան
Արևելագետ, բառարանագիր

Վրթանես Փափազյան
Արձակագիր, դրամատուրգ, գրաքննադատ, թարգմանիչ

Մկրտիչ Ավետիսյան
Լրագրող

Էդգար Մանաս
Կոմպոզիտոր

Տիրան Ալեքսանյան
Կոմպոզիտոր, թավջութակահար

Վահան Գալստյան
Դերասան

Գաբրիել Գյուրջյան
Գեղանկարիչ

Հակոբ-Գրիգոր
Թարգմանիչ, հրապարակագիր

Գուսան Աշոտ
Աշուղ

Արֆենյա Հովհաննիսյան
Դերասանուհի

Հրաչյա Հակոբյան
Գեղանկարիչ, գրաֆիկ

Բագրատ Ալեքյան
Բանաստեղծ

Համլետ Մատինյան
Քանդակագործ

Սոնա Բանոյան
Գոբելենագործ

Արամ Սիմոնյան
Պատմաբան

Արսեն Սաֆարյան
Երգիչ

Հարութ Բալյան
Երգիչ

Մանվել Խաչատրյան
Դերասան, երգիչ

Էմմի
Երգչուհի

Արեգ Գևորգյան
Դերասան
ԱՐԹՈՒՐ ԹԱՐԽԱՆՅԱՆ

23 փետրվար, 1932 - 7 ապրիլ, 2006
Ծնվել է Երևանում: 1957թ. ավարտել է Երևանի պոլիտեխնիկական ինստիտուտը: 1957թ-ից աշխատել է Հայպետնախագիծ ինստիտուտում, 1969-86թթ եղել է տիպային նախագծման արվեստանոցի ղեկավարը, 1990թ-ից` գլխավոր ճարտարապետը, 1986-89թթ` ՀՀ պետշինի նախագահի առաջին տեղակալը: 1968թ-ից դասավանդել է Երևանի պետական ճարտարաշինարարական համալսարանում (1993թ-ից` պրոֆեսոր): Համահեղինակների հետ ճարտարապետի նախագծերով Երևանում կառուցվել են ՀՀ ԳԱԱ հասարակական գիտությունների ինստիտուտի մասնաշենքերը (1955-72թթ), «Այրարատ» կինոթատրոնը (1970-74թթ, ԽՍՀՄ Նախարարների խորհրդի մրցանակ` 1979թ.) Երիտասարդության պալատը (1970-85թթ, ՀամԼԿԵՄ մրցանակ` 1981թ.), «Զվարթնոց» օդանավակայանը (1981թ., Հայաստանի Պետական մրցանակ` 1985թ.), Մարզահամերգային համալիրը (1984թ., ԽՍՀՄ Պետական մրցանակ` 1987թ.), «Էրեբունի-3» բնակելի միկրոշրջանը և այլն, շուրջ 2 տասնյակ հուշարձաններ Երևանում` Հայոց Մեծ եղեռնի զոհերի (1967թ.), Մարտիրոս Սարյանի (1986թ.), Դիլիջանում` Խորհրդային Հայաստանի 50-ամյակի (1970թ.), Հայրենական պատերազմում զոհվածների (Դսեղ, Տաթև, Բազմաբերդ և այլուր), Գյումրիում` Շառլ Ազնավուրի (2001թ.) և այլն: 1962թ. և 1968թ. պարգևատրվել է Երիտասարդ ճարտարապետների ստեղծագործության, Խորհրդային ճարտարապետության 1973-77թթ նվաճումների, 1982թ.` «Տարվա լավագույն կառույց» ոսկե մեդալով, 1985թ.` «Տարվա լավագույն ստեղծագործություն» համամիութենական ստուգատեսների դափնեկրի կոչումով, 1998թ.` ՀՀ «Անանիա Շիրակացի» մեդալով: 1980-89թթ եղել է ՀԽՍՀ Գերագույն Խորհրդի պատգամավոր, 1992թ-ից` Ճարտարապետությաև միջազգային ակադեմիայի Մոսկվայի մասնաճյուղի, 1996թ-ից` Հայաստանի ճարտարապետների ակադեմիայի պատվավոր անդամ: 1972թ. արժանացել է Հայաստանի վաստակավոր, 1987թ.` ժողովրդական ճարտարապետի կոչման: Մահացել է Երևանում: