
Նշան Միրզա
Արձակագիր, հրապարակագիր

Երվանդ Թաղիանոսյան
Թարգմանիչ

Հակոբ Փափազյան
Քանդակագործ

Կարապետ Տեր-Սահակյան
Պատմաբան, բանասեր, բանաստեղծ

Երվանդ Քոչար
Գեղանկարիչ, քանդակագործ

Վաղարշակ Սարգսյան
Գեղանկարիչ

Վահրամ Մավյան
Բանաստեղծ, արձակագիր

Վարդուհի Վարդանյան
Երգչուհի

Մխիթար Ավետիսյան
Դերասան

Լիլի Կարապետյան
Քանդակագործ, հաղորդավար

Արվին Քոչարյան
Լուսանկարիչ, գրաֆիկ-դիզայներ
ՔՐԻՍՏԱՓՈՐ ՔՈՒՇՆԱՐՅԱՆ

23 մայիս, 1890 - 25 հունվար, 1960
Քրիստափոր Կուշնարյով
Ծնվել է Սիմֆերոպոլում: Երաժշտական կրթությունն սկսել է Թիֆլիսի ուսումնարանում (ջութակ): 1916թ. ավարտել է Պետրոգրադի համալսարանի բնագիտության բաժանմունքը, 1925թ.` Լենինգրադի կոնսերվատորիան՝ Ա.Ժիտոմիրսկու կոմպոզիցիայի դասարանը: 1918-23թթ դասավանդել է Թիֆլիսի երաժշտական ինստիտուտում: 1925թ-ից կոմպոզիցիա և պոլիֆոնիա է դասավանդել Լենինգրադի կոնսերվատորիայում (1939թ-ից` պրոֆեսոր), նշանակալից դեր կատարել սովետական երաժշտության ուսումնական հաստատություններում տեսական առարկաների ծրագրերի նորոգման և դասավանդման նոր մեթոդներ ստեղծելու ուղղությամբ, դաստիարակել Սովետական Միության տարբեր հանրապետությունների մի շարք կոմպոզիտորների ն երաժշտագետների: 1927թ. և 1929թ. ղեկավարել է Լենինգրադի թատրոնի և երաժշտության ինստիտուտի Հայաստանում ժողովրդական երգեր հավաքող գիտարշավները: 1944-49թթ եղել է Հայաստանի ԳԱ արվեստի պատմության և տեսության բաժանմունքի գիտաշխատող ու վարիչ, միաժամանակ դասավանդել է Երևանի կոնսերվատորիայում: Եղել է պոլիֆոնիկ երաժշտության ոճերի և Արևելքի ժողովրդական երաժշտության հմուտ գիտակ: Հետազոտել է Վերածննդի դարաշրջանի երաժշտության ոճական գծերը, զարգացրել ձայնակարգի և բազմաձայնության մասին ուսմունքները, մշակել մոնոդիայի տեսությունը, պարզաբանել հայկական երաժշտության ծագման ու զարգացման ընթացքը: Շարունակել է Կոմիտասի տեսական դրույթները: Նշանակալի ներդրում է ունեցել հայ մոնոդիկ երաժշտության ուսումնասիրման բնագավառում: Գրել է երգեհոնի սոնատ, Պասակալիա և Ֆուգա, թավջութակի մենանվագ սոնատ, խմբերգեր, թատերական երաժշտություն: Պարգևատրվել է 2 շքանշանով: 1939թ. արժանացել է Հայաստանի, 1943թ.` Ուզբեկստանի արվեստի վաստակավոր գործչի կոչման: Մահացել է Լենինգրադում (այժմ՝ Սանկտ Պետերբուրգ):