Խորեն Գալֆայան

Բանաստեղծ, դրամատուրգ

Արշակ Ֆեթվաճյան

Գեղանկարիչ

Ստեփան Շահումյան

Լրագրող, պետական գործիչ

Արամ Քոչարյան

Կոմպոզիտոր, երաժշտագետ

Վարագ Առաքելյան

Լեզվաբան, բանասեր

Շահեն Թաթիկյան

Արձակագիր

Մարիա Ղամբարյան

Դաշնակահար

Արմեն Չալտիկյան

Ճարտարապետ, գեղանկարիչ, գրաֆիկ

Գևորգ Դևրիկյան

Արձակագիր, հրապարակախոս

Վլադիմիր Անտաշյան

Քանդակագործ

Լեմս Ներսիսյան

Գեղանկարիչ

Նոննա Զոտովա

Հաղորդավար, դերասանուհի

Մարիա Դիվանյան

Բալետի արտիստ, պարուսույց

 

 

 

 

ՌՈՒԶԱՆ ԱՍԱՏՐՅԱՆ

Բանաստեղծ

Ծնվել է 1948թ. մայիսի 16-ին, ՀՀ Մաստարա գյուղում (այժմ` ՀՀ Արագածոտնի մարզում)։ Ավարտել է Կիրովականի (այժմ՝ Վանաձոր) մանկավարժական ինստիտուտի բանասիրական ֆակուլտետը։ Աշխատել է հանրապետական թերթերում, հեռուստառադիոպետկոմում։ 1989-91թթ հիմնադրել և խմբագրել է «Հայկազունք» սկաուտական հանդեսը։ Եղել է մի շարք հասարակական կազմակերպությունների («Գոյամարտ», «Հայկազունների ազգային միություն», «Հայաստանի մայրության ֆոնդ», «Մ.Մաշտոց խոսքի մշակույթի կենտրոն», «Երեխաների պաշտպանության միություն» և այլն) անդամ, 1991-2000թթ` Երևան քաղաքի անվանակոչության հանձնաժողովի անդամ։ 1983-86թթ աշխատել է «Հայաստանի աշխատավորուհի» ամսագրում, ապա` ՀՀ նախագահի աշխատակազմում` որպես ՀՀ նախագահին առընթեր մշակույթի խորհրդի քարտուղար։ Հեղինակ է բազմաթիվ հոդվածների ու հրապարակագրությունների։ 2005թ. հիմնադրել է «Նախավկա» հասարակական կազմակերպությունը։ 1987թ-ից Հայաստանի գրողների, ապա` ժուռնալիստների միության, 2006թ-ից` Բնության և հասարակության միջազգային ակադեմիայի անդամ է։ Հրատարակվել են նրա «Արարատի շնչառությունը մեր մաշկի տակ» (2001թ.), «Ձայնս խեցու մեջ» (2002թ.), «Գենո‎ֆոնդը վտանգի տակ, Անապատի վարդ (երկհատորյակ, 2006թ.), «Դարի արժեքը մարդն է» (2008թ.), «Երկրի աղը» (2014թ.) և այլ գրքեր: 2008թ. արժանացել է ՀՀ մշակույթի նախարարության ոսկե մեդալի, ՀՀ ՊՆ «Գարեգին Նժդեհ» շքանշանի, ՀԳՄ «Գրական վաստակի համար» մեդալի, 2013թ.` ՀՀ ՊՆ Մարշալ Իսակովի անվան շքանշանի, ՀՀ սփյուռքի նախարարության «Մայրենիի դեսպան» շքանշանի։