ԱՍՏՎԱԾԱՏՈՒՐ ԲԱԲԻԿՅԱՆ

5 օգոստոս, 1738 - 18 ապրիլ, 1825

Ծնվել է Նոր Ջուղայում: Եղել է Վիեննայի Մխիթարյան միաբանության հիմնադիրներից ու առաջին աբբահայրը: 1772թ. Վենետիկի Մխիթարյան միաբանությունից իր տասնմեկ համախոհներով հեռացել է Տրիեստ, հետագայում` Վիեննա (1810թ.), ուր և հաջորդ տարին հիմնել է միաբանություն, որն Ավստրիայի կայսր Ֆրանց Իոսիֆ Առաջինը պաշտոնապես ճանաչել է 1811թ.: 1812թ. հիմնադրել է նույն միաբանության մինչև օրս գործող տպարանը: Գրել է «Համառոտ յայտյանդիմանութիւն երկուց ճշմարտութեանց ընդդէմ երկուց մոլար դրութեանց» (1817թ.) աշխատությունը, թարգմանել Կարոլոս Բիլլուարտի «Բովանդակութիւն բովանդակութեան Ս.Թովմայի…» փիլիսոփայական աստվածաբանական երկասիրությունը (հատոր 1-3, 1810-13թթ): Մահացել է Վիեննայում: