Գաբրիել Ավետիքյան

Լեզվաբան, բառարանագիր, բանասեր, աստվածաբան

Երվանդ Օտյան

Արձակագիր, երգիծաբան, լրագրող

Բագրատ Բորյան

Պատմաբան

Ռոմանոս Մելիքյան

Կոմպոզիտոր, դիրիժոր

Ալեքսանդր Սարուխան

Ծաղրանկարիչ

Կարեն Խաչատրյան

Կոմպոզիտոր

Օգոստինոս Սեքուլյան

Բնագրագետ, լրագրող

Հայկ Յաղճյան

Դիրիժոր

Լուսինե Մուրադյան

Հաղորդավար, լրագրող

Անի Ամիրյան

Հաղորդավար

Վերոնիկա Սարկիսովա

Դերասանուհի

 

 

 

 

ՄԱՏԹԵՈՍ ԶԱՐԻՖՅԱՆ

Բանաստեղծ

16 հունվար, 1894 - 9 ապրիլ, 1924

Ծնվել է Կոստանդնուպոլսի Կետիկ Փաշա թաղամասում։ Եղել է գրող, հրապարակախոս Սիրան Սեզանի եղբայրը: Մանկությունն ու պատանեկությունն անցել են Կ.Պոլսի Սկյուտար թաղամասում։ Կրթությունն ստացել է Իճատիեի դպրոցում, Պարտիզակի Ռոբերտ քոլեջում և Կ.Պոլսի Պերպերյան վարժարանում, որն ավարտել է 1913թ.՝ Պսակավոր Արվեստից տիտղոսով։ 1914թ. որպես անգլերենի և մարմնամարզության ուսուցիչ աշխատել է Ադանա քաղաքի հայկական դպրոցում։ Հիվանդության պատճառով 1914թ. անցել է Լիբանան, ապա վերադառնալով՝ զորակոչվել թուրքական բանակ։ Ենթասպաների դպրոցում սովորելիս անհաշտության և ընդդիմության համար ռազմական ատյանը նրան դատապարտել է աքսորի։ Ազդեցիկ միջամտությունների շնորհիվ դատապարտվել է երկարատև կալանավորման։ Մի քանի ամիս հետո բարեկամների միջոցով ազատվել է բանտից և զինվորական հիվանդանոցում ծառայել՝ որպես հիվանդապահ։ Զինադադարից հետո, որպես անգլիական բանակի թարգմանիչ մեկնել է գավառներ՝ մասնակցելու հայության բեկորների հավաքման գործին։ 1919-21թթ աշխատել է Կ.Պոլսի Պերպերյան վարժարանում` որպես անգլերենի և մարմնակրթանքի ուսուցիչ։ Եղել է արևմտահայ պոեզիայի վերջին ներկայացուցիչը։ Առաջին բանաստեղծությունները մամուլում տպագրվել են զինադադարից հետո։ Պարբերական մամուլում տպագրել է բազմաթիվ բանաստեղծություններ։ 1921թ. Կ.Պոլսում լույս է տեսել նրա բանաստեղծությունների առաջին ժողովածուն՝ «Տրտմության և խաղաղության երգեր»։ 1922թ. լույս է տեսել նրա «Կյանքի և մահվան երգեր» նոր ժողովածուն։ 1956թ. Բեյրութում բանաստեղծ Վահե Վահյանի խմբագրությամբ լույս է տեսել բանաստեղծի ամբողջական երկերի ստվար ժողովածուն, որը պարունակում է հեղինակի ոչ միայն տպագրված ու անտիպ բանաստեղծությունները, այլև «Օրագրության էջերը», նամակները, արձակի փորձերը։ 1963թ. Երևանում լույս է տեսել գրողի հատընտիրը, 1981թ. այն վերահրատրակվել է։ Մահացել է Կոստանդնուպոլսում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար