ԱՐԱՄ ՇԱՀԲԱԶՅԱՆ

Ծնվել է 1971թ. ապրիլի 29-ին, ՀՀ Կոտայքի մարզի Գետամեջ գյուղում: 1994թ. ավարտել է Երևանի թատրոնի և կինոյի պետական ինստիտուտի ռեժիսորական բաժինը: 1996-97թթ ռեժիսուրա է ուսանել Փարիզի «La Femis» ազգային կինոդպրոցում: Եղել է «Ար» հեռուստաընկերության գլխավոր ռեժիսորը, ռեժիսոր` Հայաստանի Հանրային հեռուստաընկերությունում, ռեժիսորի օգնական` «Հայֆիլմ» կինոստուդիայում, որտեղ եղել է բազմաթիվ վավերագրական ու կարճամետրաժ ‎ֆիլմերի ռեժիսոր: Աշխատում է «Շողակաթ» հեռուստաընկերությունում: 2005թ. նրա «Ակներ» կարճամետրաժ ‎ֆիլմը ներկայացվել է Մոսկովյան XXVII ՄԿՓ-ի «Հեռանկարներ» բաժնում: 2004-05թթ երևանյան «Ես եմ» միջազգային երիտասարդական կինոփառատոնում արժանացել է «Լավագույն ռեժիսոր» մրցանակին: Որպես ռեժիսոր հանդես է եկել հետևյալ ֆիլմերում` «Հաշվետվություն ընթրիքի ժամանակ» (1995թ.), «Լավաշ» (1998թ.), «Ներսը և դուրսը» (1999թ.), «Աղապատանք» (2000թ.), «Ջավախք, մոռացված հայրենիք» (2001թ.), «Որդան կարմիր» (2002թ.), «Քյարիզ» (2005թ.), «Ապոն կանչեց» (2006թ.), «Մի վախեցիր» (2007թ.), «Երևանյան ռեգթայմ» (2008թ.), «Տաքսի, էլի լավա» (2008թ.), «Գնացք» (2014թ.), «Մոսկվիչ, իմ սեր» (2015թ.), «Փրկության քարտեզ» (2015թ.) և այլն: