ԱՇՈՏ ՀԱՄԲԱՐՁՈՒՄՅԱՆ

Գեղանկարիչ, բեմանկարիչ

Ծնվել է 1955թ. հոկտեմբերի 29-ին, Երևանում: Դերասանուհի Լալա Մնացականյանի ամուսինն է: 1972թ. ավարտել է Երևանի թիվ 62 միջնակարգ դպրոցը, 1978թ.` Փ.Թերլեմեզյանի անվան գեղարվեստի ուսումնարանը, 1984թ.` Երևանի գեղարվեստաթատերական ինստիտուտի գեղանկարի բաժինը: 1985-95թթ աշխատել է ՀՀ մշակույթի նախարարության փորձարարական կոմբինատում` որպես գլխավոր նկարիչ, 1980-2002թթ` Հայաստանի ազգային հեռուստաընկերությունում` որպես բեմադրող նկարիչ, 1982-94թթ` Հանրապետական մանկական գեղագիտական կենտրոնում: 1998թ-ից դասավանդում է Երևանի Խ.Աբովյանի անվան պետական մանկավարժական համալսարանի մշակույթի բաժնում (2013թ.` դոցենտ): Ստեղծագործական գործուղումներով եղել է Ռումինիայում, Հարավսլավիայում, Սիրիայում, Լիբանանում, Իրանում, Գերմանիայում, Մոսկվայում: 1984թ-ից ցուցադրվել է հանրապետական ցուցահանդեսներում: 2004թ-ից Երևանի Մհեր Մկրտչյանի անվան արտիստական թատրոնի գլխավոր նկարիչն է: Ձևավորել է ավելի քան 30 հեռուստատեսային ներկայացում` «Սինյոր Պապագատտո», «Հովնան Խութեցի», «Սպենսեր Դոնովանի գործը», «Մուսա լեռան 40 օրը», «Զաբուղոն», «Ինկած բերդի իշխանուհին» և այլն, շուրջ 20 թատերական գործ` «Կարմեն» բալետ, «Լիլիթ» փոփ օպերա, «Ֆիլումենա Մարտուրանո», «Դիոգենես», «Հացթուխի կինը» և այլն: Եղել է «Էրեբունի-Երևան», «Քրիստոնյա Հայաստան-1700», «Ավարայր-1550», «Մեկ ազգ, մեկ մշակույթ», «Համահայկական խաղեր», «Հայոց գրեր-1600» և բազմաթիվ այլ տոնախմբությունների բեմադրող նկարիչը: Ավելի քան 40 ազգային տարազների, զինանշանների հեղինակ է: 2013թ. արժանացել է Հայաստանի վաստակավոր նկարչի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար