ԱՇՈՏ ԿՈՐԳԱՆՅԱՆ

Ծնվել է 1975թ. ապրիլի 24-ին, Երևանում: 14 տարեկան հասակից սկսել է նվագել հարվածային գործիքներ, «Подростковое кино» և «Պանտոկրատորս» խմբերում, որոնց հետ 1990թ. առաջին ելույթներն է ունեցել երևանյան ռոք-փառատոների ժամանակ: 1993թ. նվագել է «Dumbarton Oak», 1995թ.` «Էնջլս», ապա` «Strangers» ռոք խմբերում: 2000-07թթ եղել է «Բամբիռ» ռոք խմբի անդամ: Զուգահեռ 2001թ-ից նվագում է «Օկսենհեմ» ռոք խմբում: Ձայնագրվել է երկու ձայնասկավառակում, նկարահանվել է 5 տեսահոլովակում: Համերգային հյուրախաղերով եղել է Իրանում, ԱՄՆ-ում, Վրաստանում, Լեհաստանում և այլուր: Համագործակցել է մի շարք երաժիշտների հետ, որոնց հետ հանդես է եկել համերգային ծրագրերով: 2008թ-ից նվագում է նաև «Վոքս» խմբում: