ԽԱՉԱՏՈՒՐ ՍԱՀԱԿՅԱՆ

Ծնվել է 1965թ. մարտի 3-ին, Երևանում: Սովորել է Երևանի Պ.Չայկովսկու անվան երաժշտական դպրոցում: 8-րդ դասարանից ուսումնասիրել է կոմպոզիտորական արվեստը՝ Էդուարդ Բաղդասարյանի ղեկավարությամբ: 1983թ. ընդունվել է Երևանի Կոմիտասի անվան պետական կոնսերվատորիայի կոմպոզիտորական բաժին՝ Էդվարդ Միրզոյանի դասարան: 1980թ-ից մասնակցել է տարբեր ջազային համերգների և փառատոների տարբեր երաժշտախմբերի հետ: Առաջին լուրջ ջազային քայլերը կատարել է սաքսաֆոնահարների կվինտետի հետ` Էդուարդ Բախչինյանի ղեկավարությամբ: 1984թ-ից սաքսաֆոնահար Արմեն Հյուսնունցի հետ ստեղծել է «Time Report» ջազային կվարտետը: 1993-94թթ հանդիսացել է Հայաստանի պետական ջազ նվագախմբի երաժշտական ղեկավարը: 1998թ-ից համերգներով շրջագայել է բազմաթիվ երկրներում` Գերմանիա, Ֆրանսիա, Ճապոնիա, Վրաստան, Շվեյցարիա և այլն: 2008թ. ընկերների հետ ստեղծել է նոր նախագիծ` «Reprise» անվանումով: Գործիքավորել և համերգներով մասնակցել է Հայաստանի և արտասահմանի տարբեր ժանրերի երգիչների ու երաժիշտների հետ` Արամ Ասատրյան, Լևոն Մալխասյան, Ռուբեն Հախվերդյան, Ռոբերտ Մլքեյան, Արսեն Սաֆարյան, Հայկ Մանարյան, Արամո, Արման Հովհաննիսյան, Ֆեյրուզ Ռահբանի, Աղվան Պապոյան և այլք: Երկար ժամանակ համագործակցել է երգահան Հայկ Մանարյանի հետ, ում հետ հեղինակել է բազմաթիվ նախագծեր, այդ թվում` «Սասնա ծռեր» լիամետրաժ անիմացիոն ֆիլմի երաժշտությունը: Նրա երաժշտությամբ ստեղծված ներկայացումները բեմադրվել են տարբեր երկրներում` Ֆրանսիա, Մալայզիա: «Time Report» խմբով հեղինակել է չորս, «Reprise» խմբով՝ մեկ ձայներիզ: