Մատթեոս Մամուրյան

Գրող, թարգմանիչ, բանասեր, պատմաբան

Լյուբով Լազարևա

Օպերային երգչուհի

Լևոն Հայկազունի

Կրկեսի արտիստ

Վազգեն Մուրադյան

Կոմպոզիտոր

Կառլոս Աբովյան

Գեղանկարիչ

Վյաչեսլավ Ամիրխանյան

Կինոռեժիսոր, դերասան

Անդրանիկ Խեչումյան

Թարգմանիչ, բեմադրիչ

Կարեն Գևորգյան

Պարող, պարուսույց

Միխայիլ Սիմոնյան

Ջութակահար

Ռեբեկա Դեմիրճյան

Օպերային երգչուհի

 

 

 

 

ԱԳՈՒԼԻՍԻ ՍՈՒՐԲ ՀՈՎՀԱՆՆԵՍ ՄԿՐՏԻՉ ԵԿԵՂԵՑԻ

Ագուլիսի վանքային համալիրը գտնվում է Ագուլիսի ներքին կամ Խծայձոր թաղում, ներկայիս Ադրբեջանի տարածքում։ Տեղադրված է գետափի աջափնյա սարալանջի ստորոտում, հարթ ու բարձրադիր մի տեղանքում, այժմ կիսավեր է: Հիմնահատակ կործանված են վանքի շրջապարիսպը, հյուսիսային կողմից կցակառուցված գավիթը, վանքապատական շենքերի մի մասը: Եկեղեցու կառուցման մասին, որպես ականատես, մանրամասն տեղեկություններ է հաղորդում Զաքարեա Ագուլեցին: Հիմնարկեքը տեղի է ունեցել 1664թ. մայիսի 31-ին, հիմքերը օրհնվել են հուլիսի 5-ին, որից հետո սկսվել է շինարարությունը, որն ավարտի է հասցվել 1665թ. նոյեմբերի 5-ին ու կատարվել բացման հանդիսավոր արարողությունը: Շուրջ 20 տարի հետո`  1686թ. արվել են որմնանկարները, այնուհետև հոկտեմբերի 31-ին եկեղեցին նորից է օրհնվել: Եկեղեցու հյուսիսային կողմի միակ մուտքում տեղադրված է եղել փայտակերտ, սադափով ու փղոսկրով ընդելուզված գեղեցիկ մի դուռ: Դռան վերնամասում ագուցված է մի արձանագիր քար 1694թ. թվագրությամբ: Սբ. Հովհաննես-Մկրտիչ եկեղեցին հիմնականում կառուցվել է ճեղքած ու կիսամշակ որձաքարերով: Արևելյան ճակատի երեսպատման համար օգտագործվել է թրծված աղյուսն, իսկ գմբեթի թմբուկն ու գմբեթն ամբողջովին աղյուսաշեն են եղել: Հատակագծային և ծավալատարածական հորինվածքով եկեղեցին գմբեթավոր բազիլիկ է եղել: Արտաքին պարագծում տեղավորված ընդարձակ աղոթասրահի կենտրոնում բարձրացող հատակագծում քառակուսի չորս մույթերի վրա հենվել է գմբեթի ութնիստ թմբուկն ու պսակվել բազմանիստ վեղարով: Արտասովորն այս հուշարձանում ավագ խորանի ստորին մասի ուղղանկյուն լինելն է: Դրա երեք պատերում երկուական խորշեր կային, որոնցից անկյունայինները միավորվելով կամարներով, ավագ խորանը վերնամասում դարձնում էին հնգանիստ: Կողքի ավանդատները քառակուսի էին, կրկնահարկ: Առաջին հարկի երեք պատերում երկուական պատուհանախորշեր կային: Եկեղեցու շինարարությունն ավարտվել է պարսպապատերի խցերի, սեղանատան և կից խոհանոցի կառուցմամբ: Վանքապատկան այդ շինություններից կիսավեր վիճակում պահպանված էր սեղանատունը, կառուցված արևելյան ճակատի հիմնապատի մոտ: Այն միանավ դահլիճ տիպի է, թաղածածկ հորինվածք ուներ, մուտքերով և լուսամուտներով արևելակողմից և 9 պատրհանախորշեր` արևմտյան պատում: Պարիսպներից ներս, հյուսիսակողմում, գավթի առջև գտնվում էր վանքի գերեզմանատունը, որի տապանաքարերի մի մասը օգտագործվել է եկեղեցու կառուցման ժամանակ:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար