ԱՐՄԵՆ ԱՅՎԱԶՅԱՆ

Ծնվել է 1971թ. օգոստոսի 14-ին, Երևանում: 1980-85թթ սովորել է Երևանի Կ.Սարաջևի անվան երաժշտական դպրոցում, 1986-90թթ՝ Երևանի Ա.Բաբաջանյանի անվան երաժշտամանկավարժական ուսումնարանի ժողովրդական նվագարանների քամանչայի դասարանում: Այդ տարիներին նվագել է տարբեր ինքնագործ անսամբլներում: 1990-95թթ սովորել է Երևանի Կոմիտասի անվան պետական կոնսերվատորիայի ժողովրդական նվագարանների բաժնի քամանչայի դասարանում: Եղել է Սայաթ-Նովայի անվան մրցույթ-փառատոնի դափնեկիր: 1992թ. Երևանի կոնսերվատորիայի ժողովրդական նվագարանների անսամբլի հետ` Խաչատուր Ավետիսյանի ղեկավարությամբ, շրջագայել է Եվրոպայում` նվագակցելով բազմաթիվ երգիչ-երգչուհիների՝ Արաքս Մանսուրյան, Մարգարիտ Շահինյան, Ռուբեն Մաթևոսյան, Հովհաննես Բադալյան, Արզաս Ոսկանյան և այլք: 1999-2002թթ աշխատել է Հայաստանի ժողովրդագուսանական երգի պետական անսամբլում: 2000թ-ից աշխատում է «Armenian Navy Band» խմբում: Նվագել է բազմաթիվ ձայնագրություններում: Մասնակցել է հեռուստատեսային երաժշտական հաղորդումների: Շրջագայել է աշխարհի ավելի քան 30 երկրում: 2009թ-ից նվագում է Գեորգի Գյուրջիևի անվան համույթում: