ՊԵՐՃ ԶԵՅԹՈՒՆՑՅԱՆ

Արձակագիր, դրամատուրգ

Ծնվել է 1938թ. հուլիսի 18-ին, Եգիպտոսի Ալեքսանդրիա քաղաքում: 1948թ. հայրենադարձվել է Հայաստան: Ավարտել է Երևանի Աղայանի անվան միջնակարգ դպրոցը: 1956թ. լույս է տեսել պատմվածքների առաջին ժողովածուն: 1963թ. ավարտել է Պյատիգորսկի օտար լեզուների ինստիտուտը: 1963-64թթ սովորել է Մոսկվայի բարձրագույն սցենարական դասընթացներում: 1965-68թթ եղել է «Հայֆիլմ» կինոստուդիայի խմբագիրը, 1965-75թթ` հեռուստաֆիլմերի «Երևան» ստուդիայի գլխավոր խմբագիրը: 1975-86թթ եղել է Հայաստանի Գրողների միության քարտուղարը: Մի շարք գրքերի հեղինակ է` «Ամենատխուր մարդը», «Նրա առաջին ընկերը», «20-րդ դարի լեգենդը», «Փարիզի համար», «Մեր թաղի ձայները»: 12 պիեսների հեղինակ է` «Աստվածների կանչը», «Լեգենդ ավերված քաղաքի մասին», «Հիսուս Նազովրեցին և նրա աշակերտները», «Կանգ առ, երկրագունդ», «Ոտքի, դատարանն է գալիս», «Մի նայիր հայելուն» և այլն, որոնք բեմադրվել են Երևանի տարբեր թատրոններում: «Հայֆիլմ» կինոստուդիան նրա սցենարով նկարահանել է «Երևանյան օրերի խրոնիկա» ֆիլմը: Նրա գրքերը թարգմանվել են 11 լեզուներով: 1991-92թթ եղել է ՀՀ մշակույթի առաջին նախարարը: Դարձել է Հռոմի արվեստների և հասարակական գիտությունների «Տիբերինա» ակադեմիայի պատվավոր անդամ, ՀԽՍՀ Պետական մրցանակի կրկնակի դափնեկիր: 1989թ. արժանացել է ՀԽՍՀ մշակույթի վաստակավոր գործչի, ապա` «Հայ արվեստի ասպետ», «Երևանի պատվավոր քաղաքացի» կոչումների: 2007թ. արժանացել է հայ եկեղեցու «Սուրբ Սահակ-Սուրբ Մեսրոպ» պատվո շքանշանի, 2016թ.՝ ՀՀ Պատվո շքանշանի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար