ՄԱՆՈՒԿ ՀԱԽՎԵՐԴՅԱՆ

Ծնվել է 1963թ. հուլիսի 1-ին, Թեհրանում: Դերասանական գործունեությունն սկսել է Աշտարակի դրամատիկական թատրոնում: Հանդես է գալիս հիմնականում հումորային ժանրում: 2002թ-ից աշխատում է Երևանի պետական Կամերային թատրոնում` որպես դերասան: Խաղացել է «Կաբառե», «Սասունցի Դավիդ Կոպերֆիլդ», «Լինսի շոու-ծրագիր», «Միսս Հայաստան, դժոխքային կոմեդիա», «Ի զեն», «Արմմագեդոն», «Նախարարական համերգ» և այլ ներկայացումներում: Եղել է Հայկական երկրորդ հեռուստաալիքի «Պահմտոցի» հաղորդման գլխավոր գործող անձերից մեկը: Նկարահանվել է «Մեր բակը» (1996թ.), «Ընտրություն» (2000թ.), «Լռության սիմֆոնիա» (2001թ.), «Պարոն Մարտիրոս» և այլ ֆիլմերում: «Հումոր և սատիրա» հանրապետական փառատոնի ժամանակ արժանացել է 2-րդ մրցանակին: 2011թ. պարգևատրվել է ՀՀ մշակույթի նախարարության պատվոգրով: