Գրիգոր Պալյան

Ճարտարապետ

Ստեփան Քափանակյան

Բեմադրիչ, թարգմանիչ, ասմունքող

Վարազդատ Տերոյան

Փիլիսոփա, թարգմանիչ, հրապարակախոս

Լև Ատամանով

Կինոռեժիսոր

Ժորժ Հակոբյան

Գեղանկարիչ

Սոնա Վան

Բանաստեղծ, բժիշկ

Կարեն Գրիգորյան

Բեմանկարիչ, գեղանկարիչ

Աննա Մելիքյան

Կինոռեժիսոր, պրոդյուսեր

 

 

 

 

ԳԵՎՈՐԳ ԲՈՒԴԱՂՅԱՆ

Դիրիժոր

4 հոկտեմբեր, 1899 - 15 հոկտեմբեր, 1978

Ծնվել է Բաքվում: Եղել է դաշնակահար Նինա Սաղյանի ամուսինը: Վաղ հասակից բնակվել և ուսանել է Մոսկվայում: 1929թ. ավարտել է Մոսկվայի կոնսերվատորիայի Կոնստանտին Սարաջևի օպերային սիմֆոնիկ դիրիժորության դասարանը: 1922-29թթ ղեկավարել է Մոսկվայի հայ մշակույթի տան երաժշտական խումբը: 1929-32թթ եղել է Հայաստանի պետական ֆիլհարմոնիկ նվագախմբի գեղարվեստական ղեկավարը և գլխավոր դիրիժորը: 1932-58թթ եղել է Երևանի Ա.Սպենդիարյանի անվան օպերայի և բալետի թատրոնի դիրիժոր: Ղեկավարել է Ա.Սպենդիարյանի «Ալմաստ», Հ.Ստեփանյանի «Քաջ Նազար», Կ.Զաքարյանի «Մարջան», Ա.Տեր-Ղևոնդյանի «Արևի ցոլքերում», Ա.Տիգանյանի «Դավիթ Բեկ» և այլ օպերաներ, ինչպես նաև ռուս ու արևմտաեվրոպական դասական երկացանկի գործեր: Եղել է Ա.Սպենդիարյանի երաժշտության հիման վրա գրված «Խանդութ» երաժշտական կոմպոզիցիայի (1945թ.) հեղինակը, ինչպես նաև` Ալեքսանդր Սպենդիարյանի ստեղծագործությունների լիակատար (11 հատոր) հրատարակության խմբագիրը: 1929-78թթ դասավանդել է Երևանի Կոմիտասի անվան պետական կոնսերվատորիայում (1950թ-ից՝ պրոֆեսոր): 1934-36թթ և 1949-58թթ եղել է կոնսեվատորիայի պրոռեկտորը: 1954թ. արժանացել է Հայաստանի ժողովրդական արտիստի կոչման: Մահացել է Երևանում: