Ստեփանոս Թոխաթցի

Բանաստեղծ, գրիչ

Վարդան Մեշտուճյան

Արձակագիր, պատմաբան, թարգմանիչ

Սիամանթո

Բանաստեղծ

Վեներա Հակոբյան

Դերասանուհի

Վահագն Դավթյան

Բանաստեղծ, թարգմանիչ

Զարեհ Մելքոնյան

Բանաստեղծ, դրամատուրգ

Աբել Սիմոնյան

Պատմաբան

Արթուր Այդինյան

Օպերային երգիչ

Մայք Քոնորս

Դերասան

Գեորգի Գարանյան

Սաքսոֆոնահար, կոմպոզիտոր

Պողոս Հայթայան

Արվեստաբան

Սիլվի Վարդան

Երգչուհի

Հրաչյա Քեշիշյան

Ռեժիսոր, պրոդյուսեր

 

 

 

 

ՍԱՐԳԻՍ ՆԱՋԱՐՅԱՆ

Հաղորդավար, ասմունքող

Ծնվել է 1950թ. հուլիսի 12-ին, Երևանում: Ավարտել է Երևանի Վ.Տերյանի անվան միջնակարգ դպրոցը, որից հետո մեկ տարի աշխատել է Երևանի «Պոլիվինիլացետատ» գործարանում: 1967-73թթ սովորել է Վ.Բրյուսովի անվան օտար լեզուների ինստիտուտի անգլիական-բանասիրական ֆակուլտետում և Մոսկվայի արվեստի համալսարանի թատերական ֆակուլտետի դերասանի վարպետության հեռակա բաժնում: 1971թ. մասնակցել է հաղորդավարների մրցույթի և ընդունվել Հեռուստառադիոպետկոմ: 1973թ. Մոսկվայի կենտրոնական ռադիոհեռուստատեսությանը կից ստուդիայում անցել է խոսքարվեստի դասընթացներ, որից հետո հրավիրվել է Հայաստանի հայկական հեռուստատեսություն և վարել «Համայնապատկեր», «Կինոյի աշխարհում», «Լինում է, չի լինում», «Մարդը և օրենքը» և այլ հաղորդաշարեր: Աշխատել է նաև ռադիոյում` որպես ծրագրերի հաղորդավար-խմբագիր: Երկար տարիներ մասնակցել է «Հայֆիլմ» կինոստուդիայի ֆիլմերի կրկնօրինակման թարգմանչական և խմբագրական աշխատանքնրին, եղել է բազմաթիվ տոնակատարությունների, Հայֆիլհարմոնիայի կազմակերպած համերգների հանդիսավար: 1973-78թթ Արարատի շրջանի Փոքր Վեդի գյուղի միջնակարգ դպրոցում դասավանդել է հայոց լեզու և անգլերեն: 1984թ-ից Հայաստանի թատերական գործիչների միության անդամ է: 1986թ-ից հայկական ռադիոկայաններով պատրաստել և վարել է «Կեսգիշերից առաջ», «Գիշերն անույշ է» գրական-ժամանցային հաղորդումները: 1990-97թթ եղել է «Դավիթ Անհաղթ» համալսարանի ժուռնալիստիկայի ֆակուլտետի դեկանը և դասախոս: 1993թ. նկարահանվել է «Արամ Խաչատրյան» հեռուստաֆիլմում: 1994-2000թթ ղեկավարել է Ա.Իսահակյանի անվան հանրային գրադարանի ասմունքի խմբակը: 2002-08թթ եղել է «Մոնթե Մելքոնյան» համալսարանի ավագ դասախոս և դասաժամեր է ունեցել ՀՀ ԳԱԱ պատմության ինստիտուտի ասպիրանտների վերապատրաստման դասընթացում: 2002թ. հոգևոր աշխարհում մատուցած ծառայությունների համար արժանացել է Ամենայն Հայոց կաթողիկոսի շնորհակալագրին, իսկ 1993թ.` Վազգեն Ա Վեհափառի արծաթե մեդալին: «Սայաթ-Նովա 2000» համահայկական երգի փառատոնում «Հայրենասիրական երգ» անվանակարգում արժանացել է 1-ին մրցանակին, «Քրիստոնեական Հայաստան 1700» միջոցառումների հանձնաժողովի կողմից` հատուկ դիպլոմի: 2005թ. ճանաչվել է «Տարվա լավագույն ռադիոհաղորդավար»: Պատրաստել է բազմաթիվ ռադիո և հեռուստահաղորդումներ, ֆիլմաշարեր, նկարահանվել է «Տաճար» ֆիլմում, խաղացել է «Նեմեսիս» ներկայացման մեջ: Իր ընթերցմամբ թողարկվել են բազմաթիվ հեքիաթներ, ձայնասկավառակներ, տեսաերիզներ: Վարել է Հայաստանի հանրային հեռուստաընկերության «Կարոտ» հաղորդաշարը: 2009թ. թողարկել է Գ.Նարեկացու «Մատյան ողբերգության» պոեմի, Պ.Սևակի, Հ.Թումանյանի, Հ.Սահյանի, Վ.Տերյանի երկերի ձայներիզները: 2006թ. արժանացել է Հայաստանի վաստակավոր լրագրողի կոչման: 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար