ՊԵՏՐՈՍ ՂԱԶԱՐՅԱՆ

Ծնվել է 1974թ. նոյեմբերի 27-ին, Երևանում: 1992-97թթ սովորել է Երևանի պետական համալսարանի արևելագիտության ֆակուլտետի թուրքագիտության բաժնում, 2003թ.՝ Մոսկվայի Վ.Պոզների ժուռնալիստիկայի դպրոցում, 2004թ.՝ Լոնդոնի «BBC» հեռուստաընկերության բարձրագույն դասընթացներում, 2007-08թթ՝ Եվրոպական քաղաքագիտության բարձրագույն դպրոցում: 2000-02թթ թղթակցել է «Հայկական ժամանակ», «Առավոտ» և «Իրավունք» թերթերին: 2002-03թթ հեղինակել և վարել է «Կենտրոն» հեռուստաընկերության «Այցեքարտ» քաղաքական հաղորդումը: 2004-06թթ եղել է հեռուստաընկերության տնօրենը: 1999թ-ից «Ալիք» հասարակական կազմակերպության ղեկավարն է: 2003-18թթ «Կենտրոն» հեռուստաընկերությամբ հեղինակել և վարել է «Ուրվագիծ» հաղորդումը, իսկ 2008-12թթ ղեկավարել է հեռուստաընկերության լրատվական բաժինը: 2006-07թթ եղել է «Ֆորբս-Հայաստան» ամսագրի գլխավոր խմբագիրը։ 2018թ. նշանակվել է Հայաստանի հանրային հեռուստաընկերության լրատվական բաժնի տնօրեն: 2003թ. արժանացել է Երևանի Մամուլի ակումբի ամենամյա, 2004թ.՝ «Հայկյան», 2008թ.՝ Հայաստանի ժուռնալիստների միության ամենամյա մրցանակներին: