Հակոբոս Պոզաճյան

Բառարանագիր

Ռոմանոս Սետեֆճյան

Դերասան, դրամատուրգ

Ստեփան Մամիկոնյան

Լրագրող, հրապարակախոս

Թլկատինցի

Արձակագիր, բանաստեղծ, դրամատուրգ

Մարո Զուրաբյան

Արձակագիր

Մանվել Բեգլարյան

Կոմպոզիտոր, դիրիժոր

Ռուբեն Գևորգյանց

Կինոռեժիսոր

Լիպարիտ Ավետիսյան

Օպերային երգիչ

 

 

 

 

ՆՈՆՆԱ ԶՈՏՈՎԱ

Հաղորդավար, դերասանուհի

Ծնվել է 1954թ. հոկտեմբերի 1-ին, Երևանում: Ռեժիսոր Անտոն Աղայանցի կինն է: 1971թ. ավարտել է Երևանի թիվ 128 միջնակարգ դպրոցը: 1972-77թթ սովորել է Երևանի գեղարվեստաթատերական ինստիտուտի երաժշտական կոմեդիայի բաժնում՝ Հրաչյա Ղափլանյանի արվեստանոցում: 1977-2002թթ աշխատել է Հայաստանի պետական հեռուստառադիոպետկոմում: Հեռուստաթատրոնում նկարահանվել է բազմաթիվ հեռուստաներկայացումներում՝ Ն.Զարյանի «Փորձադաշտ» (Մարգո), Ա.Բրագինսկու «Բարոյազուրկ պատմություն» (Նադյա), «Սենյակը» (Նադյա), Ա.Քալանթարյանի «Մովսես ապեր» (Սիրարփի), Վ.Սարոյանի «Քարանձավի բնակիչները» (Մայր) և այլն: Խաղացել է նաև ռադիոբեմադրություններում՝ Ֆ.Սագանի «Էգլեթիերների ընտանիքը», Կ.Չապեկի «Շվեյկի արկածները համաշխարհային պատերազմում» և այլն: Նկարահանվել է նաև Ա.Քալանթարյանի «Իմ տունը քո տունը չէ» մանրապատումներում: 1985-94թթ Հայաստանի ազգային հեռուստաընկերությամբ վարել է «Հեքիաթն է կանչում» հաղորդաշարը, իսկ 1994-2001թթ հեղինակել և վարել է «Հեքիաթների դաշտ» մանկական զվարճալի ծրագիրը: 2004-06թթ հեռուստառեժիսուրա և դերասանի վարպետություն է դասավանդել Երևանի թատրոնի և կինոյի պետական ինստիտուտում, 2006-13թթ՝ Երևանի Խ.Աբովյանի անվան պետական մանկավարժական համալսարանի կուլտուրայի ֆակուլտետում: