ՊԱՐԻ ԵՎ ՀՈԳՈՒ ԹԱՏՐՈՆ

Ստեղծվել է 1992թ., Երևանում, պարուհի Սոֆի Դևոյանի նախաձեռնությամբ: Ստեղծման օրվանից բեմադրել է մի քանի բեմադրություններ` «Կոմիտասը մեր աչքերով», «Ամարաս», «Ընդդիմություն», «Ազնավուրյան ակնթարթներ», «Ես հավատում եմ», սյուիտ նվիրված Սերգեյ Փարաջանվին և շուրջ 800 պարային համարներ: 1994թ-ից թատրոնը հյուրախաղերով եղել է Մոսկվայում, Օրենբուրգում, Դնեպրոպետրովսկում, Օդեսայում, ինչպես նաև աշխարհի տարբեր երկրներում, որոնցից են` Գերմանիա, ԱՄՆ, Կանադա, Իտալիա, Ֆրանսիա, Մալթա, Եգիպտոս, Իրան և այլուր: Դուդուկահար Ջիվան Գասպարյանի հետ հյուրախաղերով հանդես է եկել Բեյրութում: 2005թ. նկարահանել է համատեղ տեսահոլովակ: Բացի հյուրախաղերից, մասնակցել է Հայաստանում անցկացվող բարեգործական համերգների և միջոցառումների: 1994թ-ից թատրոնը գործում է Սոֆի Դևոյանի կողմից ստեղծված մշակույթի կենտրոնում, որտեղ գործում են բազմաթիվ պարային խմբակներ, ինչպես նաև մանկական անսամբլներ, որոնք մասնակցել են բազմաթիվ փառատոների և միջազգային մրցույթների, արժանացել բարձրագույն մրցանակների` Գրան Պրի, առաջին մրցանակ, դափնեկրի կոչում և այլն: