Հրանտ Ասատուր

Բանասեր, գրաքննադատ

Գևորգ Ալթունյան

Գրականագետ, թարգմանիչ, դրամատուրգ

Ռուբեն Նաքյան

Քանդակագործ

Մկրտիչ Խերանյան

Բանաստեղծ, արձակագիր, թարգմանիչ

Թուշիկ Խաչատրյան

Օպերային երգչուհի

Լևոն Մադոյան

Դուդուկահար

Երվանդ Մանարյան

Դերասան, բեմադրիչ, կինոսցենարիստ

Կլարա Թերզյան

Արձակագիր, լրագրող

Էդման Այվազյան

Գեղանկարիչ

Մարի-Ռոզ Աբուսեֆյան

Դերասանուհի, բեմադրիչ

Ալեքսանդր Ադաբաշյան

Դերասան, գեղանկարիչ

Վարդան Թովմասյան

Քանդակագործ

Արա Նազարեթյան

Արձակագիր

Ասատուր Բալջյան

Օպերային երգիչ

Վազգեն Ֆիշյան

Հաղորդավար

 

 

 

 

ԷԼՎԻՐԱ ՄՆԱՑԱԿԱՆՅԱՆ

Բալետի արտիստ, պարուսույց

Ծնվել է 1944թ. օգոստոսի 17-ին, Երևանում: Պարուսույց, բեմադրիչ Աշոտ Ասատուրյանի կինն է: 1954-63թթ սովորել է Երևանի պարարվեստի ուսումնարանում՝ Ա.Բոգանկովայի դասարանում: 1963-92թթ աշխատել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում՝ որպես առաջատար մենապարուհի: Հանդես է եկել բալետային հետևյալ ներկայացումներում` Պ.Չայկովսկու «Կարապի լիճ» (Օդետա-Օդիլիա), Ա.Ադանի «Ժիզել» (Ժիզել), Ս.Պրոկոֆևի «Ռոմեո և Ջուլիետ» (Ջուլիետ), «Մոխրոտը» (Մոխրոտ), Լ.Մինկուսի «Դոն Կիխոտ» (Կիտրի), Ա.Խաչատրյանի «Գայանե» (Գայանե), «Սպարտակ» (Ֆրիգիա, Էգինա), «Դիմակահանդես» (Նինա), Է.Հովհաննիսյանի «Անտունի» (Խումար), Գ.Եղիազարյանի «Արա Գեղեցիկ և Շամիրամ» (Շամիրամ), «Անուրջների լիճը» (Անաիս), Ա.Սպենդիարյանի «Երեք արմավենի» (Արմավենի) և այլն: Մասնակցել է բազմաթիվ բեմականացումների: 1993-97թթ աշխատել է Խարկովի Լիսենկոյի անվան օպերայի և բալետի ակադեմիական թատրոնում: Պարել է Պ.Չայկովսկու «Շչելկունչիկ» (Մաշա), Ա.Ադանի «Ժիզել» (Ժիզել), Ս.Պրոկոֆևի «Ռոմեո և Ջուլիետ» (Ջուլիետ) բալետներում: 1990թ. ավարտել է Լենինգրադի Ռիմսկի-Կորսակովի անվան պետական կոնսերվատորիայի բալետմայստերական բաժինը` բալետմայստեր-փորձավար մասնագիտությամբ: 1997թ-ից դասավանդում է Երևանի պարարվեստի պետական ուսումնարանում: 1999թ-ից աշխատում է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում` որպես փորձավար: Հյուրախաղերով հանդես է եկել աշխարհի մի շարք երկրներում` Կանադա, Արգենտինա, Բրազիլիա, Մեքսիկա, Ֆրանսիա, Իտալիա, Իսպանիա, Գերմանիա, Լեհաստան և Իրան և այլուր: 1978թ. արժանացել է Հայաստանի ժողովրդկան արտիստի կոչման: