Հրանտ Ասատուր

Բանասեր, գրաքննադատ

Գևորգ Ալթունյան

Գրականագետ, թարգմանիչ, դրամատուրգ

Ռուբեն Նաքյան

Քանդակագործ

Մկրտիչ Խերանյան

Բանաստեղծ, արձակագիր, թարգմանիչ

Թուշիկ Խաչատրյան

Օպերային երգչուհի

Լևոն Մադոյան

Դուդուկահար

Երվանդ Մանարյան

Դերասան, բեմադրիչ, կինոսցենարիստ

Կլարա Թերզյան

Արձակագիր, լրագրող

Էդման Այվազյան

Գեղանկարիչ

Մարի-Ռոզ Աբուսեֆյան

Դերասանուհի, բեմադրիչ

Ալեքսանդր Ադաբաշյան

Դերասան, գեղանկարիչ

Վարդան Թովմասյան

Քանդակագործ

Արա Նազարեթյան

Արձակագիր

Ասատուր Բալջյան

Օպերային երգիչ

Վազգեն Ֆիշյան

Հաղորդավար

 

 

 

 

ՀՈՎՀԱՆՆԵՍ ԹԵՔԳՅՈԶՅԱՆ

Դերասան, արձակագիր, դրամատուրգ

Ծնվել է 1974թ. հուլիսի 8-ին, Երևանում: Ավարտել է Երևանի Րաֆֆու անվան թիվ 36 միջնակարգ դպրոցը: Սովորել է Երևանի թատրոնի և կինոյի պետական ինստիտուտի օպերային ռեժիսուրայի բաժնում` Տիգրան Լևոնյանի արվեստանոցում: 1996թ-ից աշխատում է Երևանի Հ.Ղափլանյանի անվան պետական դրամատիկական թատրոնում` որպես դերասան: Խաղացած ներկայացումներից են` Ք.Լյուդվիգի «Մամա միա» (Ֆրենկ), Ս.Ստրատիևի «Ավտոբուս» (Անխելք), Կ.Գոցցիի «Ագռավը» (Պանտալոնե), Վ.Շեքսպիրի «Համլետ» (Օզրիկ), «Մակբեթ» (Լրաբեր), «Հուլիոս Կեսար» (Քաղաքացի), Ա.Խանդիկյանի «Անվերջ վերադարձ» (Խեղկատակ), Ե.Օտյանի «Սեր և ծիծաղ» (Փայլակ), Պ.Զեյթունցյանի «Մեծ լռություն» (Օղուզ բեյ), Ն.Ադալյանի «Կինը և տղամարդը» (Հարևան) և այլն: Նկարահանվել է մի քանի ֆիլմերում: Հեղինակել է բազմաթիվ պատմվածքներ, վիպակներ, պիեսներ, էսսեներ, սցենարներ, մեկ վեպ և չորս գիրք` «Փայտե շապիկ», «Ապակու արև», «Երկսեռ թատրոն», «Փախչող քաղաքը»: Բազմիցս տպագրվել է «Գարուն» ամսագրում («Անտի աթմա», «Ապակու արև», «Շինելը», «Ընտրյալը», «Մակբեթ», «Թաղանթ» և այլն), «Գրական թերթում» («Ժանգախտ», «Փուշ ամառ» «Սառը քուն» և այլն), «Գրեթերթում» («Տան ներսում չնկարված գլուխը», «Կորցրած օրը», «Փետուրե հեղափոխություն», «Երկսեռ թատրոն»), «Նարցիս» հանդեսում («Տարականի մումիա», «Անդոյի ցիրկը», «Խճճված աղոթք» և այլն), «Սինեմարտ» ամսագրում (կինոգիտական հոդվածներ), «Թատրոն» թերթում (թատերագիտական հոդվածներ), «Դրամատուրգիա» ամսագրում («Մետաստազ», «Երկկենցաղ մարդը» պիեսները և թատերագիտական հոդվածներ), «Հետք» շաբաթաթերթում («Թատրոնի նյութափոխանակությունը», «Ֆանտոմային գրեր», «Հոգեկանչություն` ըստ սերիալի», «Անընկեր մտքերը», էսսեները և այլն), ինչպես նաև «Նոր դար», «Դոմ Ռաստովիխ», «Յունոստ», «Հորիզոն», «Առավոտ», «Հայկական ժամանակ», «Ժամանակ Երևան», «Ակտուալ արվեստ», «Բնագիր» հանդեսներում և պարբերականներում: Հեղինակել է «Մետաստազ» պիեսը, որը բեմադրվել է Վանաձորի Հ.Աբելյանի անվան պետական թատրոնում և արժանացել ՀԹԳՄ երկու «Արտավազդ» մրցանակի` «Լավագույն երիտասարդ բեմադրիչ» և «Լավագույն երիտասարդ դերասան» անվանակարգերում: Բազմաթիվ մանկական պիեսների հեղինակ է, որոնցից շատերը բեմադրվել է Երևանի դրամատիկական թատրոնում` «Երջանկության բանալին», «Ամանորյա հրաշք», «Կախարդական հովանոցը», «Թզուկի հեքիաթը» և այլն: 2011թ. «Ֆորում» թատրոնը բեմադրել է նրա «Ծառը` օդի մեջ» ինտերակտիվ պիեսը և «Ֆորում» թատրոնների փառատոնին հանդես է եկել Թբիլսիիում (ռուսերեն): Նրա ստեղծագործությունները թարգմանվել են անգլերեն, ֆրանսերեն, ռուսերեն, պարսկերեն: Թարգմանել է շուրջ երկու տասնյակ պիես: Հեղինակել է նաև մի շարք մշակութային հանդիսությունների սցենարներ, որոնցից են 2009թ. ՅՈՒՆԵՍԿՕ-ի «21-րդ դարի հորիզոններ. թանգարանները նոր այցելուների փնտրման ճանապարհին» նախագծի շրջանակներում Գառնիի հեթանոսական տաճարի լուսավորության առթիվ բեմադրված բացօթյա ներկայացման, «Սուրբ Սարգիսի» տոնին նվիրված բացօթյա համերգ-ներկայացման, 2010թ. ՀԹԳՄ «Արտավազդ» ամենամյա մրցանակաբաշխության երեկոյի, Դանիել Վարուժանի 125-ամյակին նվիրված հոբելյանական երեկոյի սցենարները և այլն: Հյուրախաղերով հանդես է եկել Լեհաստանում, Հունգարիայում, Իրանում և Վրաստանում: Հայաստանի թատերական գործիչների միության դրամատուրգիայի գծով քարտուղարն է, Երևանի Հ.Ղափլանյանի անվան դրամատիկական թատրոնի թատերախմբի վարիչը: 2008թ. ՀԹԳՄ սրահում բեմադրված «Ֆանտոմային ցավեր» ներկայացումը, «Լավագույն երիտասարդական ներկայացում» անվանակարգում արժանացել է ՀԹԳՄ «Արտավազդ» մրցանակի: 2006թ. արժանացել է հայ-ամերիկյան «IGEFA» մրցանակի` որպես լավագույն երիտասարդ գրող, 2009թ. «Ապակու արև» պատմվածքների ժողովածույի համար` «Վահան Թեքեյան» մրցանակի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար