Սամվել Գանթարյան

Բառարանագիր, թարգմանիչ

Սեդրակ Մանդինյան

Դերասան, գրող

Ստեփան Լիսիցյան

Ազգագրագետ, պատմաբան, թարգմանիչ

Դավիթ Չիսլյան

Ճարտարապետ

Էլիզա Գյուլեսերյան

Դերասանուհի, մանկավարժ

Գրիգոր Ազիզյան

Գեղանկարիչ

Սարգիս Հարությունյան

Բանասեր, ազգագրագետ

Ֆելիքս Բախչինյան

Գրականագետ, թարգմանիչ

Վազգեն Ասատրյան

Բաս-կիթառահար

Վահրամ Սահակյան

Դրամատուրգ, կինոռեժիսոր

Մարինա Սուլթանյան

Հաղորդավար, պրոդյուսեր

Միհրան Ծառուկյան

Երգիչ, դերասան

Արտակ Վարդանյան

Հաղորդավար, լրագրող

Նարե Գևորգյան

Երգչուհի

 

 

 

 

ՏԻԳՐԱՆ ՀԱՄԱՍՅԱՆ

Դաշնակահար

Ծնվել է 1987թ. հուլիսի 17-ին, Լենինականում (այժմ՝ Գյումրի): Երեք տարեկան հասակից սկսել է հետաքրքրություն ցուցաբերել երաժշտության հանդեպ: Յոթ տարեկանում ընդունվել է երաժշտական դպրոց: 1997թ. տեղափոխվել է Երևան և լրջորեն սկսել է զբաղվել ջազով: 2000թ. կայացած Երևանյան երկրորդ միջազգային ջազ փառատոնի ժամանակ դաշնակահարի կատարումը լսել է ֆրանսիացի ջազային դաշնակահար, փառատոների կազմակերպիչ Ստեփան Կոչոյանը, ով հաջորդ տարի նրան հրավիրել է Ֆրանսիա` միանգամից մեծահասակների մի քանի փառատոների մասնակցելու համար: Ելույթ է ունեցել միջազգային խոշորագույն փառատոների ժամանակ և արժանացել հաղթանակների ու հեղինակավոր մրցանակների: 2003թ. տեղափոխվել է Լոս Անջելես: 2006թ. ֆրանսիական «Նոկտյուրն ռեքորդս» ձայնագրման ընկերությունը թողարկել է երաժշտի առաջին՝ «World Passion» ձայնասկավառակը: Նույն թվականին Հերբի Հանքոքի գլխավորությամբ մասնակցել է Թելոնիուս Մոնքի անվան միջազգային ջազ մրցույթին և արժանացել առաջին մրցանակին, ապա ելույթ է ունեցել ԱՄՆ Սպիտակ տանը, որտեղ մրցույթի հաղթողին և մասնակիցներին պատվել են ԱՄՆ-ի նախագահ Ջորջ Բուշն ու նրա տիկինը, իսկ մրցանակը հանձնել ԱՄՆ-ի պետքարտուղար Մադլեն Օլբրայթը: 2013թ. հաղթող է ճանաչվել «Vilcek Prize Creative Promise in Contemporary Music» մրցույթում: Թողարկել է նաև «New Era» (2008թ.), «Red hail» (2009թ.), «A Fable» (2011թ.) ձայնասկավառակները: Վերջինս վաճառվել է տպավորիչ միավորով`30.000 և ստացել է Ֆրանսիական Գրեմմի մրցանակ: Նվագել և ելույթներ է ունեցել իր խմբի և ջազի համաշխարհային աստղերի հետ: 2015թ. նախաձեռնել է «Լույս ի լուսո» երաժշտական նախագիծը (100 համերգ-100 եկեղեցիներում)՝ նվիրված Հայոց Ցեղասպանության (1915թ.) 100-ամյա տարելիցին: Նախագծի շրջանակներում Երևանի պետական կամերային երգչախմբի հետ կատարել է 5-19-րդ դարերի հայ հոգևոր երաժշտություն, Մեսրոպ Մաշտոցի, Գրիգոր Նարեկացու, Գրիգոր Պահլավունու, Ներսես Շնորհալու, Մխիթար Այրիվանեցու, Խաչատուր Տարոնեցու, Մակար Եկմալյանի և Կոմիտասի երկերից: Նույն թվականին թողարկել «Ծաղրարմատ» սկավառակը, որը տարբերվում է իր մնացած ալբոմներից, այստեղ շատ են երաժշտի կյանքին վերաբերող պատմություններ՝ «Յասամանը» (մանկության տան բակի յասամանի մասին), «Երգ Մելանին և Ռաֆիկին» (տատին ու պապին է նվիրված), «Կարս» (արմատների մասին) և այլն: 2013թ. արժանացել է ՀՀ «Մովսես Խորենացի» շքանշանի: 2016թ. «ECHO Jazz Awards» միջազգային մրցույթում ճանաչվել է տարվա լավագույն միջազգային գործիքավորող՝ իր «Mockroot» ալբոմի համար:

 

  

 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար