ՋՈՐՋ ԱՎԱԳՅԱՆ

Երաժշտագետ, ջազմեն, պրոդյուսեր

15 մարտ, 1919 - 22 նոյեմբեր, 2017

Գևորգ Ավագյան

Ծնվել է Ռուսաստանի Արմավիր քաղաքում: 1923թ. տեղափոխվել է ԱՄՆ: 1941թ. ավարտել է Յեյլի համալսարանի արվեստի ֆակուլտետը: Եղել է Դեյվ Բրուբեքի, Լուի Արմսթրոնգի, Մայլս Դևիսի և շատ հանրաճանաչ երաժիշտների պրոդյուսերը: 1951-58թթ եղել է «Ուորեն Բրադրզ» կինոընկերության երաժշտական ձայնագրումների բաժնի վարիչն ու տնօրենը: Ձայնագրման ասպարեզում կատարել է մի շարք նորարարություններ: 1938թ. թողարկել է Բեննի Գուդմենի «Քարնեգի Հոլ» համերգասրահում տված մենահամերգի կենդանի ձայնագրությունը և աշխարհում առաջին LP ձայնապնակները: «Կոլումբիա ռեքորդս»-ում ձայնագրել է Լ.Արմսթրոնգի, Բ.Գուդմենի, Բ.Հեյլիի լավագույն ձայնասկավառակները: 1939թ. Չիկագոյում թողարկել է իր ջազային մեղեդիների ձայնապնակը, իսկ Նյու Յորքում հիմնել և ղեկավարել է «Ավագյան Քո» ընկերությունը: Ընկերությունը ունի մասնաճյուղեր Փարիզում, Բրյուսելում և Թեհրանում: Մասնակցել է «Ստրավինսկի» (1959թ.), «Գիշերային աղջիկներ» (1960թ.), «Ամառային օրվա ջազ» (1960թ.) և այլ ֆիլմերի ստեղծման աշխատանքներին: 1957թ. դարձել է ԱՄՆ-ի ձայնագրման արվեստի ազգային ակադեմիայի նախագահության անդամ: Համարվել է ամերիկյան ջազի մեծագույն հեղինակություններից: 1961թ. արժանացել է «Գրեմմի» մրցանակի` «Լավագույն ալբոմ» անվանակարգում: 1962թ. կազմակերպել է Բենի Գուդմանի համերգային շրջագայությունները ԽՍՀՄ-ում: 1998թ. այցելել է Հայաստան և մասնակցել է Երևանի առաջին միջազգային ջազ փառատոնին: 1984թ. արժանացել է Մալթայի Հանրապետության «Ասպետություն» կոչման, 1990թ.՝ ԽՍՀՄ Լենինի անվան շքանշանի, 2006թ.՝ «Django d’Or» ջազի միջազգային մրցանակի, 2008թ.՝ Ֆրանսիայի Արվեստի և գրականության մրցանակի, 2010թ.՝ National Endowments for the Arts AB Spellman Jazz Advocacy Award (ամենաբարձր ազգային կոչումը ջազի համար), 2011թ.՝ ASCAP ջազի հուշապատում՝ որպես ջազի կենդանի լեգենդ: Մահացել է Նյու Յորքում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար