ԿԱՏՈՒՆԵՐ

Ջազ խումբ

Վահագն Հայրապետյան` ստեղնաշար
Էդգար Սահակյան` բաս կիթառ
Տիգրան Սուչյան` շեփոր
Նորայր Քարտաշյան` դուդուկ, զուռնա
Դավիթ Մինասյան` տրոմբոն
Արթուր Գրիգորյան` սաքսոֆոն
Արման Ջալալյան` հարվածային

Հիմնադրվել է 2004թ., «Վահագն Հայրապետյան և կատուներ» անվամբ: Խմբի սկզբնական կազմը` Վահագն Հայրապետյան (ստեղնաշար), Տիգրան Սուչյան (շեփոր), Դավիթ Նալչաջյան (ալտ սաքսոֆոն), Արտյոմ Մանուկյան (բաս, թավջութակ), Տիգրան Սանոյան (հարվածային): Ավելի ուշ խմբին է միացել Աշոտ Հարությունյանը (տրոմբոն), այնուհետև` զանազան փողային ֆոլկլյոր և պերկուսիոն գործիքների կատարող Նորայր Քարտաշյանը: Վերջինիս գալստյան հետ անսամբլում զգալիորեն ավելացավ օրիենտալ հնչողությունը: 2006թ. Տիգրան Սանոյանի փոխարեն հարվածային գործիքները ներկայացնում է Արման Ջալալյանը: Խումբը կատարում է միայն օրիգինալ կոմպոզիցիաներ: Երաժշտությունն առանձնանում է 70-ականների ջազ ռոքի, 80-ականների ֆյուժնի, հայկական ռիթմի ու մեղեդայնության միահյուսմամբ: 2005-06թթ ելույթ է ունեցել ԱՄՆ-ի պետդեպարտամենտի կողմից կազմակերպված «Jazz Appreciation Month» ջազ փառատոների ժամանակ, մասնակցել է Երևանում կայացած ավանգարդ ֆոլկ-երաժշտության առաջին և երկրորդ միջազգային, ինչպես նաև` «Երևան 2006» երրորդ միջազգային ջազ փառատոներին, բազմաթիվ համերգների ու փառատոների Հայաստանում և արտերկրում: 2008թ. Մոսկվայում կայացած ջազ մրցույթ-փառատոնում արժանացել է առաջին մրցանակի` «Էթնո-ջազ» անվանակարգում: 2009թ. խմբի կազմում տեղի են ունեցել փոփոխություններ: Խմբի նոր տրոմբոնահար է դարձել Դավիթ Մինասյանը, սաքսոֆոնահար` Արթուր Գրիգորյանը: 2010թ. խումբը լքել է բասիստ և թավջութակահար Արտյոմ Մանուկյանը, ում փոխարինել է Էդգար Սահակյանը: Խումբը թողարկել է «Նորեվան» (2007թ.) և «Red Sun» (2009թ.) ձայնասկավառակները: 2012թ. Հայաստանի ազգային երաժշտական մրցանակաբաշխության ժամանակ արժանացել է «Տարվա լավագույն ջազ նախագիծ» մրցանակին:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար