Գրիգոր Գապասաքալյան

Բանաստեղծ, երաժիշտ, խազագետ

Հովսեփ Արղության

Եկեղեցական, մշակութային գործիչ

Սմբատ Դավթյան

Թատերագետ, լեզվաբան

Կարապետ Իբրըիլյանու

Արձակագիր, բանասեր, թարգմանիչ

Քրիստափոր Քուշնարյան

Կոմպոզիտոր, երաժիշտ-տեսաբան

Արարատ Ղարիբյան

Գեղանկարիչ

Արամ Ղարիբյան

Գեղանկարիչ, քանդակագործ

Սուրեն Ստեփանյան

Գեղանկարիչ

Գևորգ Աճեմյան

Արձակագիր

Արամ Սաթյան

Կոմպոզիտոր

Գեորգի Մանգասարյան

Կիթառահար, երգիչ

Լևոն Տեպիկյան

Գեղանկարիչ

Մարինա Գրեգ

Հաղորդավար

 

 

 

 

ԱՐԱ ԲԵՐՔՅԱՆ

Ճարտարապետ

20 ապրիլ, 1934 - 5 փետրվար, 1994

Արա Բիլեզիկյան

Ծնվել է Բեյրութում: 1951թ. ավարտել է Բեյրութի ֆրանսիական գիմնազիան։ 1952-56թթ ուսանել է Բեյրութի ամերիկյան համալսարանում՝ ճարտարապետություն և ինժեներություն։ 1957թ. տեղափոխվել է Արևմտյան Գերմանիա։ Գերմաներեն է սովորել Մյունխենի Գյոթեի ինստիտուտում։ 1958-61թթ պետական կրթաթոշակով լրացուցիչ ուսանել է Մյունխենի և Աախենի տեխնիկական համալսարաններում։ 1963թ-ից աշխատել է գերմանական տարբեր կազմակերպություններում, ընկերություններում, գլխավորապես Մայնցի տարածքում, որպես ճարտարապետ, շինարարության ղեկավար, նախագծերի հեղինակ։ 1963-64թթ աշխատել է Լենցի ճարտարապետական և ինժեներական ձեռնարկությունում, բարձրահարկ քաղաքաշինություն։ 1965-66թթ եղել է Աախենի տեխնիկական համալսարանի քաղաքաշինության ամբիոնի գիտական աշխատող։ 1966-68թթ աշխատել է Մորմոնների եկեղեցաշինության բաժնում։ 1969թ. ընդունել է Գերմանիայի քաղաքացիություն։ 1969-70թթ աշխատել է Վիտան-Սեքուրիուս շինարարական ձեռնարկությունում, կառուցել են հիվանդանոցներ, այդ թվում՝ 600 մահճակալով «Քեմպերհոֆ» հիվանդանոց Քոբլենցում, ինչպես նաև՝ դպրոցներ։ 1970-72թթ աշխատել է Ֆաուստ շինարարական ձեռնարկությունում, Մայսենհայմում կառուցել են հաշմանդամների համար վերականգնողական կենտրոն: 1971թ-ից կրում է «Բերքյան» ազգանունը։ 1972-85թթ Գերմանիայում եղել է քրիստոնեադեմոկրատական կուսակցության անդամ: 1973-74թթ կրկին աշխատանքի է անցել Լենցում՝ որպես նախագծերի հեղինակ։ 1974-79թթ աշխատել է Կրուպ շինարարական ձեռնարկությունում՝ նախագծերի հեղինակ: 1976թ. Դարմշտադտի տեխնիկական համալսարանում պաշտպանել է «Միջնադարյան Հայաստանի ամրաշինությունը» թեզը՝ ստանալով ճարտարապետության և ինժեներության դոկտորի գիտական կոչում։ 1979-84թթ աշխատել է որպես անկախ ճարտարապետ։ 1988-93թթ աշխատել է Վիսբադենի քաղաքապետարանում որպես ճարտարապետ։ Նրա համառ ջանքերի շնորհիվ 1972թ. վերաբացվել է գերմանահայկական ընկերությունը, որը հիմնադրել էր 1914թ., հայ ժողովրդի մեծ բարեկամ Յ.Լեփսիուսը, սակայն այն լուծարվել էր 1956թ.: Եղել է այդ ընկերության փոխնախագահ, հայ-գերմանական հանդեսի խմբագիր, Հեսենի հայ մշակութային միության հիմնադիր, վարչության անդրանիկ նախագահ, Մայնցի հայկական համայնքի նախագահ, Մյունխենի, Աախենի հայ ուսանողների միության հիմնադիրներից, Ռհայնլանդի և Հեսենի ճարտարապետների միությունների անդամ, Հեսսենի և Հայաստանի հուշարձանների փրկության կոմիտեի փոխնախագահ, Հայաստանի շինարարության նախարարության խորհրդականը Գերմանիայում: Մասնակցել է հայ արվեստին նվիրված գիտաժողովներին՝ Երևանում, Փարիզում, Վենետիկում, հանդես եկել ելույթներով։ Բեյրութում ապրած տարիներին եղել է «Զավարյան» միության անդամ: Հրատարակվել են նրա «Նախագծումը և կառուցումը մերձարևադարձային երկրներում» (1968թ.), «Միջնադարյան Հայաստանի ամրաշինությունը» (1976թ.), «Հռենոսի և Արաքսի միջև» (համահեղինակ՝ Է.Մայեր, 1988թ., 2016թ.), «The art of fortification in Medieval Armenia» (1978թ.), «Influence Arménienne sur l'architecture militaire Allemande du XIIe-XIIIe siècle» (1988թ.) աշխատությունները: Արժանացել է Հայաստանի ազգային գրադարանի «Հակոբ Մեղապարտ» մեդալի (հետմահու)։ Մահացել է Գերմանիայի Վիսբադեն քաղաքում, թաղվել է Փարիզում՝ քրոջ Սեդայի ընտանեկան գերեզմանոցում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար