Եփրեմ Սեթյան

Բանասեր, պատմաբան

Տրդատ Պալյան

Բանասեր, մատենագետ, բանահավաք

Արշակ Բրուտյան

Երգահավաք, գեղանկարիչ

Վահան Մալեզյան

Արձակագիր, թարգմանիչ, բանաստեղծ

Կառլեն Անանյան

Ճարտարապետ

Ռոզա Պետրոսյան

Բանաստեղծ, արձակագիր

Սուրեն Թադևոսյան

Կինոօպերատոր

Մարինե Մինասյան

Հաղորդավար, դերասանուհի

 

 

 

 

ԱՆՈՒՇ ՆԻԿՈՂՈՍՅԱՆ

Ջութակահար

Ծնվել է 1989թ. հուլիսի 7-ին, Երևանում: Ջութակի առաջին դասերը ստացել է հինգ տարեկան հասակում։ Այնուհետև սովորել է Պետրոս Հայկազյանի մոտ, իսկ հետագայում՝ Երևանի Կոմիտասի անվան պետական կոնսերվատորիայում: Մի քանի տարի ուսանել է Հայաստանի ազգային ֆիլհարմոնիկ նվագախմբի գլխավոր դիրիժոր Էդուարդ Թոփչյանի մոտ: Մյունխենի երաժշտության և թատրոնի բարձրագույն դպրոցում սովորել է պրոֆեսոր Քրիստոֆ Պոպենի դասարանում։ 2013թ-ից սովորել է պրոֆեսոր ջութակահար Ջուլիա Ֆիշերի դասարանում։ 2015թ. ստացել է մագիստրոսի աստիճան և նույն տարվա հոկտեմբերին հանձնել է կոնցերտ քննություն: 2001-05թթ ստացել է Վլադիմիր Սպիվակովի միջազգային հիմնադրամի կրթաթոշակ։ 2012-16թթ ստացել է «Villa Musica» կամերային երաժշտական հիմնադրամի կրթաթոշակ։ Որպես մենակատար հանդես է եկել գերմանական Զաարբրյուքենի ռադիոյի և հեռուստատեսության նվագախմբի, Հայաստանի պետական ֆիլհարմոնիկ նվագախմբի, Քարթների սիմֆոնիկ նվագախմբի, Մանհեյմի կամերային նվագախմբի, Մորավիայի ֆիլհարմոնիկ նվագախմբի, Քաունասի կամերային նվագախմբի, Հայաստանի պետական կամերային նվագախմբի, Ուրալի ֆիլհարմոնիկ նվագախմբի և Լիտվայի պետական ֆիլհարմոնիկ նվագախմբի հետ՝ Քրիստոֆեր Վարեն-Գրինի, Դմիտրի Լիսի, Լեոս Սվարովսկու, Քրիստոֆ Պոպենի, Էդուարդ Թոփչյանի, Պավել Բերմանի, Ալեքսանդր Թրեգերի, Մարկուս Բոշի և այլ խմբավարների ղեկավարությամբ։ Արժանացել է մրցանակների՝ ջութակի մի շարք միջազգային մրցույթներում: 2010թ. դարձել է ավստրիական «International Kärntner Sparkasse Wörthersee» մրցույթի առաջին մրցանակակիր, որից հետո ստացել է բազմաթիվ հրավերներ, որանց թվում է 2011թ. ճապոնական «Pacific Music Festival Sapporo» նվագախմբում որպես մենակատար հանդես գալու հրավերը։ 2014թ. նրան հրավիրել են մասնակցելու «Rimini Meeting Festival», «The Festival della Nazioni», իտալական «Ravello Music Festival», ավստրիական «Brucknerfest» և Երևանի միջազգային երաժշտական փառատոներին։ Նվագել է Ֆրանկֆուրտի, Նիսի, Լինցի, Կլագենֆուրտի, Վարշավայի, Երևանի և այլ համերգասրահներում։ 2015թ. առաջին անգամ հանդես է եկել Լոս Անջելեսի Ուոլթ Դիսնեյի համերգասրահում։ Որպես մենակատար համերգներով հանդես է եկել Հայաստանում, Գերմանիայում, Լիտվայում, Ռուսաստանում, Միացյալ Թագավորությունում, Արաբական Միացյալ Էմիրություններում, Սիրիայում, Չինաստանում, Վրաստանում, Իտալիայում, Ֆրանսիայում, Չեխիայում, Իսրայելում, Նիդերլանդներում, Ամերիկայի Միացյալ Նահանգներում, Սլովակիայում, Լեհաստանում և Ավստրիայում։ Որպես կամերային երաժիշտ պարբերաբար մասնակցել է տարբեր փառատոների և ներկայացրել կամերային երաժշտացանկ այնպիսի երաժիշտների հետ, ինչպիսիք են՝ Ջուլիա Ֆիշերը, Քիմ Քաշքաշյանը, Նիլս Մոնկեմեյերը, Սերգեյ Կրիլովը, Պավել Վերնիկովը, Ալեքսանդր Չաուշյանը, Մարիո Բրունելոն, Ֆրանկոիս Ֆրեդերիկ Գայը, Ռադովան Վլադկովիչը, Բենջամին Նիֆենեգերը։ Հաճախ է հանդես եկել հայտնի երաժիշտների հետ, այդ թվում՝ Տ.Մանսուրյանի, Ե.Երկանյանի, Վ.Շարաֆյանի, Վ.Զաքարյանի, Մ.Իսրայելյանի, Ա.Չաուշյանի։  2013թ-ից նվագում է Գվադանինի 1753թ. ջութակով։
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար