ԱՅԾԵՄՆԻԿ ԶԱՐԴԱՐՅԱՆ

28 մարտ, 1909 -

Ծնվել է Կոստանդնուպոլսում։ Վաղ հասակից ծնողների հետ տեղափոխվել է Եգիպտոս, որտեղ ստացել է նախնական կրթությունը՝ Կահիրեի Ազգային վարժարանում։ 1926թ-ից հետևել է տեղի «Դանթե Ալիգիերի» ընկերության Լեոնարդո դա Վինչիի անվան իտալական գեղարվեստական ուսումնարանի քանդակագործական բաժնի դասընթացներին, որն 1930թ. ավարտել է: Դեռևս ուսանողական տարիներին մասնակցել է ցուցահանդեսների՝ մի շարք քանդակներով, որոնցից մամուլը բարձր է գնահատել «Աստվածամայր» և «Առյուծ» աշխատանքները։ Պատրաստել է նաև Զորավար Անդրանիկի հարթաքանդակ կիսանդրին: