Գրիգոր Օշականցի

Բանաստեղծ, հնագետ, եկեղեցական գործիչ

Փիլիպոս Վարդազարյան

Հրատարակիչ, մշակութային գործիչ

Նիկիտա Բալիև

Դերասան, բեմադրիչ, թատերական գործիչ

Հակոբ Մնձուրի

Արձակագիր

Զարեհ Խրախունի

Բանաստեղծ

Ալինա Փահլևանյան

Երաժշտագետ

Հակոբ Չոլաքյան

Ազգագրագետ, բանաստեղծ, գրականագետ, լեզվաբան

Գագիկ Գյուրջյան

Ճարտարապետ

Արմեն Ադամյան

Կիթառահար, երգիչ

Գագիկ Սիրավյան

Գեղանկարիչ

 

 

 

 

ԱԼԵՔՍԱՆԴՐ ԱՐՂՈՒԹՅԱՆ

Պետական գործիչ, հրապարակախոս

13 դեկտեմբեր, 1860 - 

Ալեքսանդր Արգուտինսկի, Երկայնաբազուկ

Ծնվել է Թիֆլիսում: Եղել է Արղության-Երկայնաբազուկներ տոհմի ներկայացուցիչ: Նախնական կրթությունն ստացել է Թիֆլիսի ռեալական ուսումնարանում, ապա ուսումը շարունակել է Մոսկվայում: Մասնագիտացել է հատկապես գյուղատնտեսության ոլորտում: Ուսումն ավարտելուց հետո կատարել է տարբեր տեսակի պետական հանձնարարականներ: Մասնավորապես, նրան է հանձնարարվել Հարավային Կովկասի գյուղական կյանքի տնտեսական հետազոտություններ կատարելը: Հարավային Կովկասի երկաթուղիների վարչության հանձնարարությամբ ուսումնասիրել և կազմել է Բորչալուի գավառի 25-ամյա գործունեության տեղեկագիրը: Թղթակցել է տարբեր ռուսալեզու թերթերի: Առանձին աշխատությամբ հրատարակել է Բորչալու գավառի տնտեսական խնդիրների վերլուծությանը նվիրված ուսումնասիրություն: Մամուլում հանդես է եկել ուշագրավ հրապարակումներով: 1896թ. նոյեմբերի 11-ին ընտրվել է Թիֆլիսի քաղաքային վարչության անդամ: 1899թ. մարտի 22-ին տեղի ունեցած Թիֆլիսի փոխքաղաքագլխի ընտրություններում իր թեկնածությունն է առաջադրել՝ մրցակցելով Մ.Շեստակովի, Ե.Խոսրովյանի և Վ.Չերքեզովի հետ: Փոխքաղաքագլուխ է ընտրվել Մ.Շեստակովը: 1901թ. հունվարի 8-ին կրկին ընտրվել է Թիֆլիսի քաղաքային վարչության անդամ, սակայն նահանգապետի կողմից չհաստատվելու պատճառով 1901թ. փետրվարի 24-ին դուրս է մնացել ոչ միայն անդամությունից, այլև փոխքաղաքագլխի պաշտոնից, որը ստանձնել էր 1900թ. փետրվարի 21-ից: Քաղաքային վարչության և խորհրդի անդամության ժամանակ նրա վերահսկողության ներքո են եղել քաղաքի կրթության, առողջապահության և բարեգործության ոլորտները: 1902թ. դեկտեմբերի 16-ին ընտրվել է Թիֆլիսի քաղաքագլուխ, սակայն նահանգային իշխանության կողմից չհաստատվելու պատճառով չի պաշտոնավարել: Նրա ընտրության չհաստատվելը բացասական է ընդունվել քաղաքի հասարակության կողմից, քանի որ ժողովուրդը տեսել էր քաղաքի համար նրա կատարած աշխատանքը: 1907թ. դեկտեմբերի 3-ին կրկին ընտրվել է Թիֆլիսի քաղաքային վարչության անդամ: 1910թ. քաղաքագլուխ Ալեքսանդր Խատիսյանի բացակայության ժամանակ նա ստանձնել է վարչության շինարարական բաժնի ղեկավարությունը: Երկրորդ անգամ փոխքաղաքագլուխ է ընտրվել 1911թ. փետրվարի 28-ին: 1916թ. Թիֆլիսի խորհրդի մայիսի 31-ի նիստի ժամանակ հերթական անգամ ընտրվել է քաղաքային վարչության անդամ 4 տարի ժամկետով: Թիֆլիսում բնակվել է Ալեքսանդրովյան փողոցի թիվ 32 տանը: Մահացել է Թիֆլիսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար