ԱԼԲԵՐՏ ՄԽԻԹԱՐՅԱՆ

Ճարտարապետ, քանդակագործ, գեղանկարիչ

Ծնվել է 1954թ. սեպտեմբերի 13-ին, Լենինականում (այժմ՝ Գյումրի): Սովորել է տեղի Ս.Մերկուրովի անվան նկարչական դպրոցում։ 1981թ. ավարտել է Երևանի պոլիտեխնիկական ինստիտուտի ճարտարապետության բաժինը։ Ճարտարապետությանը զուգահեռ զբաղվել է քանդակագործությամբ ու նկարչությամբ։ 1998թ. տեղափոխվել է Ֆրանսիա: 1999թ. Նիսի եկեղեցական խորհրդի պատվերով ստեղծել է 2 մետր բարձրություն ունեցող խաչքար, որը տեղադրվել է Նիսի հայկական եկեղեցու բակում։ Քրիստոնեությունը Հայաստանում որպես պետական կրոն ընդունելու 1700-ամյակի առիթով ստեղծել է հարթաքանդակ Նիսի Աստվածամոր տաճարի գլխավոր շքամուտքի համար։ 2002թ. Կաննում ստեղծել է մոնումենտալ հուշակոթող՝ նվիրված Հայոց ցեղասպանության (1915թ.) և Երկրորդ համաշխարհային պատերազմում Ֆրանսիայի ազատագրման համար մարտնչած և զոհված մարտիկների հիշատակին։ Մասնակցել է բազմաթիվ ցուցահանդեսների, բիենալեների: Ցուցահանդեսներ է ունեցել Հայաստանում, Իրանում, ԱՄՆ-ում և այլուր։ 2017թ. Երևանի ժամանակակից արվեստի թանգարանում կազմակերպվել է նրա անհատական ցուցահանդեսը: Նույն թվականին առաջին անգամ անհատական ցուցահանդես է ունեցել հայրենի քաղաքում՝ Գյումրիի Ս.Մերկուրովի տուն-թանգարանում «Իմ կարոտը Գյումրիին» խորագրով: Բազմաժանր ցուցահանդեսում ներկայացրել է 20 քանդակ և 30 նկար։ Ապրում և ստեղծագործում է Ֆրանսիայի Նիս քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար