Հրանտ Ասատուր

Բանասեր, գրաքննադատ

Գևորգ Ալթունյան

Գրականագետ, թարգմանիչ, դրամատուրգ

Ռուբեն Նաքյան

Քանդակագործ

Մկրտիչ Խերանյան

Բանաստեղծ, արձակագիր, թարգմանիչ

Թուշիկ Խաչատրյան

Օպերային երգչուհի

Լևոն Մադոյան

Դուդուկահար

Երվանդ Մանարյան

Դերասան, բեմադրիչ, կինոսցենարիստ

Կլարա Թերզյան

Արձակագիր, լրագրող

Էդման Այվազյան

Գեղանկարիչ

Մարի-Ռոզ Աբուսեֆյան

Դերասանուհի, բեմադրիչ

Ալեքսանդր Ադաբաշյան

Դերասան, գեղանկարիչ

Վարդան Թովմասյան

Քանդակագործ

Արա Նազարեթյան

Արձակագիր

Ասատուր Բալջյան

Օպերային երգիչ

Վազգեն Ֆիշյան

Հաղորդավար

 

 

 

 

ԹՈՐԳՈՄ ՄԱՆՈՒԿՅԱՆ

Եկեղեցական գործիչ, գրող

16 փետրվար, 1919 - 12 հոկտեմբեր, 2012

Ծնվել է Բաղդադի հյուսիսում՝ Բագուբա քաղաքի մոտ գտնվող փախստականների ճամբարում։ Բաղդադի Սբ. Թարգմանչաց հայկական դպրոցում նախակրթական ուսումն ավարտելուց հետո ընդունվել է Երուսաղեմի Հայոց պատրիարքարանի սրբոց Հակոբյանց ժառանգավորաց վարժարան։ 1936թ. սարկավագ է ձեռնադրվել ձեռամբ երջանկահիշատակ Պատրիարք Թորգոմ արքեպիսկոպոս Գուշակյանի։ 1939թ. ձեռնադրվել է կուսակրոն քահանա՝ ստանալով Թորգոմ անունը։ 1939-46թթ Երուսաղեմի Հայոց պատրիարքարանում տարբեր պաշտոններ է վարել: Աշխատել է պատրիարքարանի «Սիոն» ամսագրի խմբագրությունում, ինչպես նաև եղել է ճեմարանի փոխտեսուչ։ 1946թ. մեկնել է ԱՄՆ և նշանակվել Հյուսիսային Ֆիլադելֆիայի (Փենսիլվանիա) Սբ. Երրորդություն հայկական եկեղեցու հոգևոր հովիվ։ 1951թ. Ամերիկայի Արևելյան թեմի առաջնորդի կողմից նշանակվել է թեմի առաջնորդական փոխանորդ։ 1954թ. Հյուսիսային Ֆիլադելֆիայում մեկ տարով վերսկսելով ծառայությունը՝ Հայր Թորգոմը վերադարձել է Երուսաղեմ և նշանակվել ճեմարանի տեսուչ։ Վարել է նաև պատրիարքարանի դիվանապետի պարտականությունները։ 1960թ. վերադառնալով ԱՄՆ՝ ուսումը շարունակելու նպատակով ընդունվել է Քեմբրիջի Եպիսկոպոսական աստվածաբանական դպրոց (Մասաչուսեթս)։ 1962թ. ընտրվել է Հայ եկեղեցու Ամերիկայի Արևմտյան թեմի առաջնորդ։ Նույն թվականին, ձեռամբ երջանկահիշատակ Ամենայն Հայոց Վազգեն Ա Կաթողիկոսի, Մայր Աթոռ Սբ. Էջմիածնում ձեռնադրվել է եպիսկոպոս։ 1966թ., Արևմտյան թեմի առաջնորդի պաշտոնում 4 տարի ծառայելուց հետո ընտրվել է Հայ եկեղեցու Ամերիկայի Արևելյան թեմի առաջնորդ։ Երկու տարի անց Վազգեն Ա Կաթողիկոսի կողմից նրան շնորհվել է Արքության պատիվ։ Արևելյան թեմի առաջնորդի պաշտոնում 24 տարի ծառայելուց հետո 1990թ. ընտրվել է Երուսաղեմի 96-րդ Պատրիարք։ 1994թ. Վազգեն Ա Կաթողիկոսի մահից հետո նշանակվել է կաթողիկոսական տեղապահ։ Ստացել է մի շարք ակադեմիական պարգևներ, արժանացել է Նյու Յորքի Ընդհանուր աստվածաբանական ճեմարանի պատվավոր դոկտորի կոչման։ 1986թ. ստացել է նաև Ամերիկայի երկու գլխավոր պարգևները՝ «Ազատության արձան» և «Էլիզ Այլընդ» պատվո շքանշանները։ Մեծ ավանդ է ունեցել միջազգային էկումենիկ հարաբերությունների զարգացման գործում։ Ծառայել է ԱՄՆ-ում Քրիստոսի Եկեղեցիների Ազգային Ժողովի հանձնաժողովում, նախագահել է «Կրոնն ամերիկյան կյանքում» խորհուրդը։ Եղել է նաև «Խղճմտանքի կոչ» հիմնադրամի տնօրենների խորհրդի անդամ։ Հեղինակել է 20 մենագրություններ, որոնց թվում՝ բանաստեղծական երեք ժողովածուներ, հայկական Սբ. Պատարագի ուսումնասիրություն, Հայոց ցեղասպանությանը (1915թ.) նվիրված գրքեր և Երուսաղեմի սուրբ վայրերի մանրամասն ուղեցույց։ Եղել է նաև ճանաչված կոմիտասագետ։ 2010թ. արժանացել է ՀՀ «Մեսրոպ Մաշտոց» շքանշանի: Մահացել է Երուսաղեմում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար