Ղուկաս Ինճիճյան

Բանասեր, աշխարհագրագետ

Հայկ-Հակոբ Տետեյան

Թարգմանիչ, հրատարակիչ

Անանիա Սուլթանշահ

Մշակութային գործիչ, բժիշկ

Խնկո Ապեր

Մանկագիր, բանաստեղծ

Հայկ Դավթյան

Ճարտարապետ

Հակոբ Մկրտչյան

Լեզվաբան, բարբառագետ

Սարգիս Աղամալյան

Օպերային երգիչ

Գոհար Գասպարյան

Հաղորդավար

Մանե Գրիգորյան

Հաղորդավար

 

 

 

 

ՀԱՅԿԱԶ ԺԱՄԿՈՉՅԱՆ

Պատմաբան

10 հոկտեմբեր, 1909 - 4 մարտ, 1981

Ծնվել է Արևմտյան Հայաստանի Խարբերդի նահանգի Մալաթիա քաղաքում: Հայոց ցեղասպանությունից (1915թ.) փրկվել է հրաշքով: Նախնական կրթությունն 1918-24թթ ստացել է Բեյրութի ամերիկյան որբանոցի վարժարանում, այնուհետև տեղափոխվել է Ֆրանսիա: Փարիզում, Վալանսում և Բրյուսելում աշխատել է որպես բանվոր, գործուն մասնակցություն ունեցել Ֆրանսիայի և Բելգիայի բանվորական շարժումներին, եղել Ֆրանսիայի կոմկուսի Վալանսի հայկական բաժանմունքի քարտուղարը: 1929թ. տեղափոխվել է Խորհրդային Հայաստան, աշխատել Էջմիածնում որպես արհմիութենական շրջանային կոմիտեի նախագահ: 1930-31թթ սովորել է Երևանի պետական մանկավարժական ինստիտուտի պատմատնտեսագիտական ֆակուլտետում, 1931-35թթ` Երևանի պետական համալսարանի պատմագրական ֆակուլտետի պատմության բաժնում, 1935-38թթ` ԵՊՀ ասպիրանտուրայում: Ուսումնառությանը զուգընթաց դասավանդել է տարբեր ուսումնական հաստատություններում, եղել ասիստենտ ԵՊՀ-ում: 1938թ-ից մինչև կյանքի վերջն աշխատել է ԵՊՀ հայ ժողովրդի պատմության ամբիոնում որպես դասախոս: Զուգահեռ 1941-42թթ եղել է նաև հայ ժողովրդի պատմության ամբիոնի վարիչը, 1941-43թթ և 1945-55թթ` պատմության ֆակուլտետի դեկանը: 1941թ. պաշտպանել է թեկնածուական ատենախոսություն: 1943թ. նրան շնորհվել է դոցենտի կոչում: Հեղինակել է պատմաբանասիրական բնույթի մի շարք արժեքավոր ուսումնասիրություններ` «12-13-րդ դարերի ազդեցությունը «Սասունցի Դավիթ» էպոսի տարբերակներում» (1939թ.), ««Պատմութիւն վասն ազգին նետողաց» երկի հեղինակը» (1946թ.), «Անի քաղաքի 13-րդ դարի երկու արձանագրության մասին» (1955թ.), «Ֆրիկի երեք տաղերի մասին» (1956): Լայն ճանաչում ունի նրա հայ ժողովրդի պատմության «Հայաստանը նախնադարյան համայնական հասարակության և ստրկատիրության շրջանում» բուհական դասագրքի առաջին պրակը (1961թ.), որը հետագայում մաս է կազմել նաև բուհական քառահատոր (1963թ.) և երկհատոր (1975թ.) դասագրքերի, ունեցել առանձին հրատարակություն: 1970թ. արժանացել է Հայաստանի գիտության վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար