Սուքիաս Պարզյան

Բանասեր, եկեղեցական գործիչ

Աշ-Մաթ

Դերասան, բեմադրիչ

Տիգրան Դավթյան

Քանդակագործ

Արշա Օվանեսովա

Կինոռեժիսոր

Վազգեն Տալյան

Բանաստեղծ, թարգմանիչ

Ամալյա Արազյան

Դերասանուհի

Նինել Դալլաքյան

Դերասանուհի

Գագիկ Ղազարյան

Քանդակագործ

Էլլա Տարունց

Երգչուհի

Վաչե Երիցյան

Դերասան

 

 

 

 

ԱՐԱ ԳԵՎՈՐԳՅԱՆ

Կոմպոզիտոր, երաժիշտ

Ծնվել է 1960թ. ապրիլի 19-ին, Երևանում: Երգչուհի Վալյա Սամվելյանի որդին է: Ավարտել է Երևանի թիվ 31 միջնակարգ դպրոցը: Զուգահեռ սովորել է Ա.Տիգրանյանի անվան երաժշտական դպրոցում: 1970-80թթ սովորել է Երևանի թիվ 8 գեղարվեստի ուսումնարանում, 1983-87թթ` Խ.Աբովյանի անվան հայկական պետական մանկավարժական ինստիտուտի կուլտուրայի ֆակուլտետի փողային գործիքների և էստրադային բաժնում: 1987-89թթ նույն ինստիտուտում դասավանդել է դիրիժորություն և հանդիսացել ինստիտուտի երաժշտական խմբի ղեկավարը: 1992-99թթ աշխատել Հայաստանի ազգային հեռուստատեսությունում` որպես «3-րդ ալիք» ծրագրի երաժշտական ղեկավար: 1983թ-ից նվագել է «Ռալլի» նվագախմբում, մասնակցել է մի շարք փառատոների բազմաթիվ երկրներում: Թողարկել է «Օվկիանոսից այն կողմ» (1995թ.), «Նոստալջի» (1997թ.), «Անի» (1999թ.), «Խոր Վիրապ» (2001թ.) ձայներիզները, որոնք արժանացել են բազմաթիվ մրցանակների: 2001թ. հեղինակային համերգ է ունեցել Հայաստանում` քրիստոնեությունը որպես պետական կրոն ընդունման 1700-ամյակի առթիվ: 2005թ., Հայոց Մեծ Եղեռնի 90-ամյակի առթիվ, նրա գրած «Ադանա» երգը թարգմանվել և ձայնագրվել է 20 լեզուներով ու հնչել Ծիծեռնակաբերդում` տարբեր երկրներից ժամանած հայտնի երգիչների կատարմամբ: Հետագայում ակցիան շարունակվել է ԱՄՆ-ի քաղաքներում: 2005թ. հիմնադրել է 40 երաժիշտներից բաղկացած ժողովրդական գործիքների նվագախումբ, որը հետագայում դարձել է Հայաստանի ազգային նվագարանների պետական նվագախումբ: Մասնակցել է բազմաթիվ պետական միջոցառումների և արժանացել պարգևների` Երևանի քաղաքապետի, Մոսկվայում «Կարոտ» փառատոնի, «Ֆրիտյոֆ Նանսեն» ոսկե մեդալների: Հայաստանի ազգային օլիպիական կոմիտեի օրհներգի երաժշտությունը հեղինակելու համար պարգևատրվել է «Հրանտ Շահինյան» ոսկե մեդալով: Գրել է մի շարք ֆիլմերի երաժշտություններ` «Քրմուհի» (2001թ.), «Խնկարկում» (2007թ.), «Յար խուշտա» (2012թ.) և այլն, ներկայացումների` «Բարի գալուստ», «Կռունկներ ետ դարձեք» և այլն, աշխարհի տարբեր սպորտային միջոցառումների համար: Ընտրվել է Կանադայի միջազգային ինֆորմատիզացիայի ակադեմիայի անդամ: 2009թ. ԱՄՆ-ում թողարկել է «Վաղարշապատ» ձայնասկավառակը, որն արժանացել է մրցանակի: Նույն թվականին «Համերաշխություն» շարժման կողմից ճանաչվել է «Տարվա ամենահամերաշխ մարդ» և արժանացել շքանշանի: Պարգևատրվել է ՌԴ «Միխայիլ Լոմոնոսով» պատվո շքանշանով: 2002թ. արժանացել է ՀՀ մշակույթի նախարարության ոսկե մեդալի, 2004թ.` Հայաստանի վաստակավոր արտիստի կոչման:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար