Աղեքսանդր Մխիթարյան

Բանասեր, բանահավաք

Վարդգես Տալյան

Կոմպոզիտոր

Բոգդան Ջանյան

Բանաստեղծ

Հանրի Զարյան

Դերասան, արձակագիր

Սոնա Սեֆերյան

Լեզվաբան, թարգմանիչ

Ռազմիկ Դավոյան

Բանաստեղծ

Լևոն Գրիգորյան

Կինոռեժիսոր

Ռուբեն Տերտերյան

Երաժշտագետ

Սոֆա Ազնաուրյան

Կոմպոզիտոր

Արմեն Գևորգյան

Երգիչ, երաժիշտ

Արա Գևորգյան

Դերասան

Անահիտ Տեր-Սարգսյան

Դերասանուհի, նկարիչ-դիզայներ

Յանա Դանիելյան

Հաղորդավար

Նազիկ Բաղդասարյան

Դերասանուհի

Տիգրան Սարգսյան

Բալետի արտիստ

 

 

 

 

ԹԱՄԱՐԱ ԴԵՅԿԱՐԽԱՆՈՎԱ

Դերասանուհի

14 հունվար, 1889 - 2 օգոստոս, 1980

Ծնվել է Մոսկվայում` ազգությամբ հայ բժշկի (Դեյկարխանյան հայ ազնվական գերդաստանից) և ֆրանսուհու ընտանիքում։ 1907-11թթ եղել է Մոսկվայի Գեղարվեստական թատրոնի դերասանուհի և նշված թատրոնի առաջատար դերասան Վասիլի Կաչալովի ընտանիքի բարեկամը։ 1923թ. տեղափոխվել է Նյու Յորք։ 1897թ. խաղացել է իր վերջին կինոդերը։ Եղել է Նիկիտա Բալիևի «Չղջիկ» թատրոնի առաջատար դերասանուհի։ Օժտված է եղել պարելու և երգելու ձիրքերով: Խաղացել է Ա.Պուշկինի «Իշխան Նուլին» և «Բախչիսարայի շատրվանը» (Զարեմա), Մ.Կուզմինի «Կանայք», «Նախնիների հայացքի ներքո» և այլ ներկայացումներում։ Ամերիկյան թատերագետ Արթուր Փոլաքը, գրելով դերասանուհու մասին, ընդգծել է նրա խաղաոճի պարզությունն ու նրբագեղությունը։ Իսկ ամերիկացի թատերագետ Օլիվեր Սեյլորը գրել է, որ «Չղջիկը» կույր կլիներ առանց Դեյկարխանովայի։ 1935թ. բացել է բեմարվեստի սեփական դպրոցը։ Նրա մոտ սովորել է նաև թատերագիր Հորթոն Ֆութը։ Դասախոսական աշխատանքին զուգահեռ հանդես է եկել Բրոդվեյում։ Ամերիկյան թատրոնի պատմության մեջ առավել հիշարժան են նրա մասնակցությամբ ներկայացված Գեորգե Տաբորիի «Կայսեր հանդերձանքը» և Լեսլի Սթիվենսի «Ցլամարտ» թատերախաղերը։ Արդեն տարեց հասակում հրավիրվել է նկարահանվելու նաև կինոյում և հեռուստանովելներում։ 1961թ. մարմնավորել է Ջոնիի հայ տատին՝ Վ.Սարոյանի «Իմ սիրտը լեռներում է» պիեսի հեռուստաբեմադրության մեջ։ Խաղացել է նաև «Ասպետը, որ խաղի մեջ կնոջը տանուլ էր տվել սատանային», «Բեռնարդա Ալբայի տունը», «Երեք քույր», «Անաստասիա» և այլ ներկայացումներում, «Մերկացված քաղաքը» (1959թ.), «Իմ սիրտը լեռներում է» (1961թ.), «Անդի» (1964թ.), «Թագավորի երազանքը» (1969թ.) ֆիլմերում: Եղել է Կոլումբիայի համալսարանի պրոֆեսոր: Մահացել է ԱՄՆ-ի Նյու Ջերսի նահանգի Ինգլվուդ քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար