Գևորգ Աբով

Բանաստեղծ, արձակագիր, թարգմանիչ

Գեղամ Ասատրյան

Գեղանկարիչ, բեմանկարիչ

Վլադիմիր Աբաջյան

Դերասան, ասմունքող

Ավիկ Իսահակյան

Գրականագետ

Հասմիկ Ալեքսանյան

Դերասանուհի

Ալբերտ Սոխիկյան

Ճարտարապետ, դիզայներ

Սևան Նագգաշյան

Գեղանկարչուհի, մուլտիպլիկատոր

Պետրոս Ղազարյան

Հաղորդավար, լրագրող

Ռոզի Ավետիսովա

Դերասանուհի

Մարիա Ենոքյան

Հաղորդավար, պարուհի

 

 

 

 

ԱՂՎԱՆ ՎԱՐԴԱՆՅԱՆ

Պետական գործիչ, բանաստեղծ

Ծնվել է 1958թ. հոկտեմբերի 7-ին, Նախիջևանի Գեմուր գյուղում։ 1969թ. տեղափոխվել է Երևան: 1977-82թթ սովորել է Երևանի պետական համալսարանի բանասիրական ֆակուլտետում։ 1975-76թթ աշխատել է «Հայջրինդուստրիա» ԳՄ-ում որպես ապրանքագետ: 1982-87թթ եղել է «Երևանի պետական համալսարան» թերթի պատասխանատու քարտուղարը, 1987-90թթ՝ «Գարուն» և «Աղբյուր» ամսագրերի աշխատակից, 1990-93թթ՝ Հայաստանի գրողների միության քարտուղարը, 1991-93թթ՝ «Երկիր» օրաթերթի գլխավոր խմբագիրը, 1993-94թթ՝ «Ազատություն» ռադիոկայանի աշխատակից, 1994-96թթ՝ «Դրօշակ» հանդեսի խմբագիրը (Աթենք), 1996-99թթ՝ «Երևան» տեղեկատվական կենտրոնի գլխավոր խմբագիրը, 1999-2003թթ և 2012-18թթ՝ ՀՀ Ազգային ժողովի պատգամավոր (ՀՅԴ համամասնական ընտրացուցակով), 2003-08թթ՝ ՀՀ աշխատանքի և սոցիալական հարցերի նախարարը։ Մոտոհրաձգային զորքերի պահեստազորի լեյտենանտ է: 2015թ. ընտրվել է ՀՅԴ գերագույն մարմնի ներկայացուցիչ: 1987թ-ից Հայաստանի գրողների, 1992թ-ից Հայաստանի ժուռնալիստների միությունների անդամ է: Հրատարակվել է «Գրական թերթ», «Գարուն», «Հայաստանի Հանրապետություն», «Իրավունք», «Ազգ», «Առավոտ», «Երկիր», «Հայոց աշխարհ», «Ասպարեզ» (ԱՄՆ), «Հայրենիք» (ԱՄՆ), «Հորիզոն» (Կանադա), «Ազատ օր» (Աթենք), «Ազդակ» (Լիբանան) և այլ պարբերականներում: Հրատարակվել են նրա «Քարե սեղան» (1986թ.), «Ելք երկրից» (2014թ.) բանաստեղծությունների ժողովածուները: 1989թ. արժանացել է ՀԼԿԵՄ կենտկոմի գրական մրցանակի, 2006թ.՝ ՀՀ «Անանիա Շիրակացի» մեդալի, 2017թ.՝ ՀՀ Երախտագիտության մեդալի: