Մելքոն Գյուրջյան

Արձակագիր, հրապարակագիր

Հակոբ Տիրոյան

Բնագետ, գրող

Վահրամ Մուհենտիսյան

Ջութակահար, դիրիժոր

Էդուարդ Սաֆարյան

Ճարտարապետ

Վարուժան Խաստուր

Բանաստեղծ, թարգմանիչ

Անչոկ

Երգչուհի

Սամվել Բաղդասարյան

Դերասան, նմանակող

Ավետիք Էլոյան

Ճարտարապետ

Նունե Մելիքյան

Ջութակահար

 

 

 

 

ԲԱԲԿԵՆ ՍԻՄՈՆՅԱՆ

Բանաստեղծ, թարգմանիչ

Ծնվել է 1952թ. մարտի 20-ին, Երևանում։ Ավարտել է Բելգրադի համալսարանի բանասիրական ֆակուլտետը։ Զբաղվել է հայ-սերբական գրական և մշակութային կապերով։ Բազմիցս մասնակցել է Բելգրադում անցկացվող գրողների և թարգմանիչների միջազգային տարբեր հանդիպումների, պոեզիայի ամենամյա փառատոների։ Իր առաջաբանով կազմել և հրատարակել է հայ և սերբ դասական և ժամանակակից գրողների ստեղծագործությունները։ Սերբական գրականությունից կատարած նրա թարգմանությունները տպագրվել են Հայաստանի պարբերական մամուլում։ 1994թ-ից անդամակցում է Սերբիայի գրողների միությանը, 1995թ-ից՝ Հայաստանի գրողների միությանը, 2002թ-ից՝ «Մատիցա սրպսկա» մշակութային միությանը։ Նրա շատ ստեղծագործություններ թարգմանվել են ռուսերեն, սերբերեն, էստոներեն, իտալերեն, հունգարերեն, անգլերեն և տեղ են գտել տարբեր ժողովածուներում։ Սերբիայի կառավարության որոշմամբ 2006թ. նշանակվել է ՀՀ-ում Սերբիայի Հանրապետության Պատվո հյուպատոս: Հեղինակ է շուրջ 10 գիրք։ Հրատարակվել են նրա «Բալկանյան կրակների միջով» (արձակ, 1998թ.), «Գորնի Միլանովաց» (1999թ.), «Արարատից մինչև Կոսովո» (բանաստեղծություններ և էսսեներ, 2000թ.), «Նախնյաց երկիր» (բանաստեղծություններ, 2002թ.), «Արտամետ» (բանաստեղծություններ, հայերեն-սերբերեն, 2010թ.), «Խաչքար» (2012թ.), «Պատկերներ Լիբանանից» (ուղեգրություն, 2015թ.), «Մի պտղունց սերբական հող» (էսսեներ և ուղեգրություններ, 2017թ.) և այլ գրքեր։ Հայերենից սերբերեն և հակառակը թարգմանել է Հովհաննես Թումանյանի «Հեքիաթներ» (1995թ.), Դեսանկա Մաքսիմովիչի «Աշխարհը նույնն է ամենուր» (բանաստեղծություններ, 1998թ.), Ջոկո Ստոյչիչի «Աղբյուրն անապատում» (բանաստեղծություններ, 1998թ.), «Արարատի երկիր» (սերբական պոեզիայի երկլեզու անթոլոգիա՝ նվիրված Հայաստանին, 2002թ.), «Սերբական ժողովրդական հեքիաթներ» (2011թ.) և այլ երկեր: Զբաղվել է նաև դասախոսական աշխատանքով. նրա նախաձեռ­նու­թյամբ Երևանի Վ.Բրյուսովի անվան լեզվաբանական համա­լսարանում 2003թ., Հայաստանում առաջին անգամ, բացվել են սերբերենի կանոնավոր գործող դասընթացներ: 2005-06թթ սերբերեն է դասավանդել նաև Երևանի պետական համալսարանի ռուսական բանասիրության ֆակուլտետում: 1993թ. հայ-սերբական գրական և մշակութային կապերը զարգացնելու և ամրապնդելու գործում ունեցած վաստակի համար պարգևատրվել է Սերբիայի մշակույթի նախարարության «Ոսկե կրծքանշանով»։ 1994թ. նրա «Բալկանյան կրակների միջով» գիրքն արժանացել է սերբական «Սուրբ Սավա» գրական մրցանակի։ 2010թ. արժանացել է Մայր Աթոռ Սբ. Էջմիածնի և ՀԳՄ համատեղ «Կանթեղ» թարգմանական մրցանակի, 2012թ.՝ «Բրանկո Ռադիչևիչ» միջազգային գրական մրցանակի, 2015թ.՝ Սերբիայի նախագահի ոսկե մեդալի։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար