Գալուստ Կոստանդյան

Հրապարակախոս, փիլիսոփա, բնագետ

Արա Պարթևյան

Կոմպոզիտոր, դիրիժոր

Պետրոս Զարոյան

Դրամատուրգ, արձակագիր, գրականագետ

Գրիկեր

Պատմաբան

Շահեն Հակոբյան

Բեմանկարիչ

Էլվիրա Ուզունյան

Օպերային երգչուհի, դերասանուհի

Ավետիս Խաչատրյան

Գեղանկարիչ

Չորս Տարբերակ

Փոփ խումբ

 

 

 

 

ՎԻԳԵՆ ԲԱԲԱՅԱՆ

Բանաստեղծ, հրապարակախոս

12 նոյեմբեր, 1940 - 15 դեկտեմբեր, 2004

Ծնվել է Երևանում: 1957թ. ավարտել է Երևանի Կիրովի անվան թիվ 17 միջնակարգ դպրոցը: Նույն թվականին ընդունվել է Երևանի պետական համալսարանի բանասիրական ֆակուլտետ, որտեղ համախոհների հետ միասին 1958թ. հիմնել է Հայ երիտասարդների միություն (ՀԵՄ) ընդահատակյա կազմակերպությունը: Իր առաջնահերթ նպատակը Միությունը համարել է ռուսական կրթության վերացումը Հայաստանի դպրոցներում, գրաբարի (հին հայերեն լեզվի) ուսուցանման ներմուծումը, ինչպես նաև մշակութային հեղափոխությունը: Հետագայում` 1960-ականների սկզբին, կազմակերպությունն իր ծրագրում կետեր է մտցրել Արցախը և Նախիջևանը Հայաստանի հետ վերամիավորելու, Արևմտյան Հայաստանի հողերը վերադարձնելու մասին: 1963թ. նրան և ՀԵՄ-ի ևս 6 ղեկավարների ձերբակալել են խորհրդային պետական անվտանգության մարմինները: Նրանց բաց դատավարությունը անց է կացվել 1964թ. օգոստոսի 5-ին Երևանում: Ժողովուրդն այդ գործն անվանել է «7 հայրենասերների դատ», իսկ նա դատապարտվեց 5 տարի ազատազրկման: 1968թ. վերադարձել է Երևան, իսկ 1969թ. վերականգնվել է համալսարանում ու շարունակել ուսումը: 1970թ., ավարտելով ԵՊՀ-ն, աշխատանքի է ընդունվել Պետհեռուստառադիոյի երաժշտական ծրագրերի խմբագրության գրական բաժնում: Զուգահեռաբար գրել է բանաստեղծություններ: Սակայն խորհրդային իշխանությունները նրան թույլ չեն տվել հանգիստ աշխատել` նրա առջև ծառացնելով նոր խոչընդոտներ. թույլ չեն տվել հաղորդումներ վարել ռադիոյով, չեն բարձրացրել պաշտոնը, մշտական ստուգումների են ենթարկել և այլն: 1981թ. հրաժարվել է Խորհրդային Միության քաղաքացիությունից և ընտանիքի հետ տեղափոխվել է Լոս Անջելես: Մինչև 1984թ. աշխատել է տեղի հայկական հաստատություններում: 1984թ. տեղափոխվել է Վաշինգտոն, որտեղ աշխատանքի է ընդունվել «Ամերիկայի ձայն» ռադիոկայանի հայկական ծառայությունում` որպես լրագրող և հաղորդավար, որտեղ էլ աշխատում է մինչև կյանքի վերջը: Հեղինակել է բազմաթիվ բանաստեղծություններ և թարգմանություններ, ունեցել է մեծ թվով հրապարակումներ Հայաստանի գրական հանդեսներում, այդ թվում՝ «Գարուն» ամսագրում: Մահացել է Վաշինգտոնում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար