Հակոբ Մանանդյան

Պատմաբան, բանասեր

Աստղիկ Երամյան

Դերասանուհի

Նորայր Աղաջանյան

Գեղանկարիչ

Սևակ Արզումանյան

Գրականագետ, գրաքննադատ

Կիմ Երիցյան

Դերասան

Ռուբեն Սարգսյան

Կոմպոզիտոր

Ակսել Բակունց

Երաժիշտ, ջազմեն

Սերգեյ Մարկոսյան

Կոմպոզիտոր, երաժշտագետ

Վիկտոր Հովհաննիսյան

Գեղանկարիչ, բեմանկարիչ

Անուշ Նագգաշյան

Բանաստեղծ

Անի Բատիկյան

Ջութակահար

 

 

 

 

ԷԴԻԿ ԶՈՀՐԱԲՅԱՆ

Պատմաբան

5 մայիս, 1939 - 20 հունիս, 2013

Ծնվել է Հայաստանի Բաղաբուրջ գյուղում (այժմ՝ ՀՀ Սյունիքի մարզում): 1956թ. ավարտել է Կապանի թիվ 1 միջնակարգ դպրոցը, 1967թ.՝ Երևանի պետական համալսարանի պատմության ֆակուլտետը: 1968թ-ից աշխատել է ԵՊՀ-ում, որտեղ 1993-98թթ եղել է միջազգային հարաբերությունների և դիվանագիտության ամբիոնի վարիչը, 1998թ-ից՝ միջազգային հարաբերությունների ֆակուլտետի դեկանը։ Աշխատությունները հիմնականում նվիրված են խորհրդային իշխանության աոաջին տարիներին Հայաստանի միջազգային դրության լուսաբանմանը։ «Սովետական Ռուսաստանը և հայ-թուրքական հարաբերությունները 1920-1922թթ» (1979թ.) գրքում քննարկվում է Թուրքիայի և խորհրդային Ռուսաստանի քաղաքականությունը Հայաստանի նկատմամբ, հանգամանորեն տրված են Մոսկվայի 1919-21թթ ռուս-թուրքական կոնֆերանսների ընթացքը և որոշումները. 1921թ. Մոսկվայի և Կարսի պայմանագրերի վերլուծությունը։ 1987թ. ստացել է պատմական գիտությունների դոկտորի գիտական աստիճան (1988թ-ից՝ պրոֆեսոր)։ Նրա աշխատությունները վերաբերում են նաև հայ դիվանագիտության պատմության նորագույն շրջանին, հատկապես 1918-22թթ հայ-թուրքական, հայ-իրանական հարաբերություններին, Շարուրի դաշտի և Նախիջևան գավառի հայաթափության և Հայաստանից անջատման հիմնահարցերին, ինչպես նաև եվրոպական որոշ երկրների հետ Հայաստանի առևտրատնտեսական կապերին։ Հեղիանկել է նաև հայ-իրանական հարաբերություններին նվիրված «Սովետական Ռուսաստանը և հայ-իրանական հարաբերությունները (1920-1922թթ)» (1985թ.) մենագրությունը։ Ուսումնասիրել է խորհրդային Հայաստանի առևտրատնտեսական կապերը Եվրոպայի և Մերձավոր Արևելքի մի շարք երկրների հետ մինչև ԽՍՀՄ կազմավորումը։ Հրատարակվել են նաև նրա «1920թ. հայ-թուրքական պատերազմը և տերությունները» (1997թ.), «Ազգամիջյան կռիվները Երևանի նահանգում 1918թ.» (2000թ.), «Նախիջևանյան հիմնահարցը և Հայաստանի «դաշնակիցները» 1918թ. դեկտեմբեր - 1920թ. ապրիլ» (2002թ.), «Նախիջևանյան հիմնահարցը. 1920թ. մայիս - 1921թ. հոկտեմբեր» (2010թ.) «Шарур-Нахиджеван в 1918-19гг (История геноцида нахиджеванских армян)» (2012թ.) աշխատությունները: 2009թ. արժանացել է ՀՀ «Մովսես Խորենացի» մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար