Մինաս Բժշկյան

Բանասեր, պատմաբան, ազգագրագետ, երաժշտագետ

Խաչատուր Աբովյան

Արձակագիր, բանաստեղծ

Աստղիկ Աղասյան

Բեմադրիչ, դերասանուհի

Գուրգեն Բալասանյան

Կինոռեժիսոր

Զվարթ Ղուկասյան

Գրականագետ, արձակագիր

Անդրանիկ Հովսեփյան

Արձակագիր, դրամատուրգ

Հենրիկ Թումանյան

Բանաստեղծ, թարգմանիչ

Վազգեն Մնացականյան

Գրականագետ, գրաքննադատ

Անրի Վեռնոյ

Կինոռեժիսոր

Գրիգոր Գուրզադյան

Աստղագետ, ֆիզիկոս, գրող, գեղանկարիչ

Սմբատ Ավագյան

Բանասեր, լրագրող

Սարո Կալենց

Գեղանկարիչ, դիզայներ

Արթուր Բարանով

Բալետի արտիստ

Թայմ Րիփորթ

Ջազ խումբ

 

 

 

 

ՍԻՐՈՒՇՈ

Երգչուհի

Սիրանուշ Հարությունյան

Ծնվել է 1987թ. հունվարի 7-ին, Երևանում: Դերասան Հրաչյա Հարությունյանի և երգչուհի Սյուզան Մարգարյանի դուստրն է: 2004թ. ավարտել է Երևանի Խ.Դաշտենցի անվան թիվ 114 միջնակարգ դպրոցը: Ավարտել է Սայաթ-Նովայի անվան երաժշտական դպրոցի դաշնամուրային բաժինը, որից հետո` Երևանի պետական համալսարանի միջազգային հարաբերությունների ֆակուլտետը: Յոթ տարեկան հասակից սկսել է գրել իր իսկ երաժշտությունը և երգի խոսքերը` հայերեն ու անգլերեն լեզուներով, որից մեկ տարի անց, ունեցել է առաջին բեմական ելույթը: 9 տարեկանում ստացել է իր առաջին երաժշտական մրցանակը «Լուսաբաց» երգի համար: 13 տարեկան հասակում թողարկել է  առաջին՝ «Սիրուշո» ձայնասկավառակը, իսկ 2005թ.` երկրորդ «Շերամ» ձայնասկավառակը, որի համար արժանացել է «Տարվա լավագույն երգչուհի» և «Տարվա լավագույն ալբոմ» մրցանակներին: Հայաստանում առաջին անգամ անցկացված ազգային երաժշտական մրցանակաբաշխության ժամանակ արժանացել է «Հայ երգարվեստի ապագա» կոչման: 2007թ. թողարկել է «Հիմա» ձայնասկավառակը, որի երգերը սոուլի և R&B ոճերի համադրություն են՝ հայկական ժողովրդական գործիքների զուգորդությամբ՝ դուդուկ, դհոլ, զուռնա և այլն: Համերգներով հանդես է եկել աշխարհի բազմաթիվ երկրներում: 2008թ. արժանացել է Հայաստանի ազգային երաժշտական մրցանակաբաշխության «Լավագույն երգչուհի» մրցանակին (4-րդ անգամ) և նույն թվականին ներկայացրել է Հայաստանը «Եվրատեսիլ» երգի միջազգային մրցույթում` «Քելե քելե» երգով և զբաղեցրել 4-րդ տեղը: 2009թ. թողարկել է իր «Էրոտաս» հունալեզու երգը, որը բավականին մեծ արձագանք է ունեցել նաև Հունաստանում և Կիպրոսում: Նույն թվականին սերբ երգչուհի Ելենա Տոմաշևիչի և հրեա երգիչ Բոազ Մաուդայի հետ ձայնագրել է «Time to pray» երգը (խոսքերի հեղինակն է Իսրայելի նախագահ Շիմոն Պերեսը):
  
2010թ. թողարկել է իր չորրորդ ձայնասկավառակը, որը կոչվում է «Հավատում եմ», որը դարձել է «Տարվա լավագույն ալբոմ» և «Տարվա լավագույն հիթ»: 2010թ. հիմնել է «Սիրուշո» պրոդյուսերական կենտրոնը, որը պաշտոնապես թողարկել է նրա և այլ արտիստների ձայնասկավառակները: Նույն թվականին հեղինակել է «Судьба Зима» երգը, որը կատարել է ռուս երգիչ Գրիգորի Լեպսը: 2012թ. Հայաստանի ազգային երաժշտական մրցանակաբաշխության ժամանակ «I like it» տեսահոլովակը արժանացել է «Տարվա լավագույն տեսահոլովակ» մրցանակին: 2012թ. թողարկել է «ՊռեԳոմեշ» երգը, որը զբաղեցրել է մի շարք հիթ-շքերթների առաջին հորիզոնականները: 2013թ. համագործակցել է հույն երգիչ Սակիս Ռուվասի հետ և համատեղ թողարկել «See» երգը, իսկ ամերիկյան «W» ամսագիրը երգչուհուն ընդգրկել է իր «6 ոչ-ամերիկացի տաղանդներ» ցանկում: 2014թ. Համաշխարհային երաժշտական մրցանակաբաշխության (World Music Awards) ժամանակ ներկայացվել է երեք տարբեր անվանակարգերում որպես եվրոպական արտիստ՝ «Լավագույն երգչուհի», «Լավագույն երգ» («ՊռեԳոմեշ»), «Լավագույն տեսահոլովակ» («ՊռեԳոմեշ»): Նույն թվականին արժանացել է Լոս Անջելեսի հայկական երաժշտական մրցանակաբաշխության «Հայ երգի թագուհի» մրցանակին, Լոս Անջելեսի «Նոկիա» թատրոնում ունեցել մենահամերգ և երգիչ Հարութ Փամբուկչյանի հետ թողարկել «Տարիներ» երգի նոր տարբերակը ու նկարահանել տեսահոլովակ: 2015թ. ձայնագրել է «Կգա մի օր» երգը և նկարահանել տեսահոլովակ՝ նվիրված Հայոց Ցեղասպանության (1915թ.) 100-ամյակին: 2017թ. արժանացել է Հայաստանի վաստակավոր արտիստի կոչման:

  

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար