ԱՐԲԱԿ ՄԽԻԹԱՐՅԱՆ

24 հունվար, 1911 - 27 ապրիլ, 2004

Ծնվել է Եգիպտոսի Թանթա քաղաքում: 1925թ. տեղափոխվել է Բելգիա: 1929թ-ից եղել է Բրյուսելի Էղիսաբեթ թագուհու անվան եգիպտաբանական ինստիտուտի աշխատակից, 1947թ-ից՝ ընդհանուր քարտուղարը և վարչության խորհրդի անդամ: 1930թ. մասնակցել է Բրյուսելում անցկացվող Եգիպտական շաբաթին: Հետագայում բազմաթիվ անգամ ղեկավարել է թագավորական թանգարաններում անցկացվող Իսլամական արվեստի օրերը: Եղել է հայ մանրանկարչության մասնագետ: 1985թ. Բրյուսելում նրա նախաձեռնությամբ ստեղծվել է «Հայ ընկերային կենտրոնը», որը 1993թ. կոչվել է «Արբակ Մխիթարյան» հայ ընկերային կենտրոն: Հրատարակվել են նրա «Եգիպտական գեղանկարչություն» (1954թ.), «Եգիպտոս» (1956թ.), «Իսլամական արվեստ» (1977թ.), «Մ.Կուննեն, Ռ.Վուլլեման. Դեպի հավերժություն» (1989թ.) և այլ գրքեր: Նրա աշխատությունները լույս են տեսել հայերեն, ֆրանսերեն, գերմաներեն, անգլերեն և հոլանդերեն: Մահացել է Բելգիայի Սխաարբեեկ քաղաքում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ