Նաղաշ Հովնաթան

Նկարիչ, բանաստեղծ

Գևորգ Աբովյան

Երաժշտագետ, թատերական գործիչ

Սեդրակ Տեր-Սարգսենց

Գրող, հրապարակախոս, պետական գործիչ

Սազայի

Աշուղ

Ակիմ Թամիրով

Դերասան

Նինա Օկսենտյան

Երգեհոնահար

Էլլադա Չախոյան

Օպերային երգչուհի

Իդա Քավաֆյան

Ջութակահար, ալտահար

Աշոտ Համբարձումյան

Գեղանկարիչ, բեմանկարիչ

Վահագն Մարգարյան

Օպերային երգիչ, դերասան

 

 

 

 

ՍԻՄՈՆ ԳԱԲԱՄԱՃՅԱՆ

Բառարանագիր

30 հունիս, 1863 - 29 մարտ, 1942

Ծնվել է Կոստանդնուպոլսում։ Կրթությունն ստացել է տեղի Սբ. Խաչ վարժարանում, ապա Սկյուտարի ճեմարանում, աշակերտելով բանաստեղծ Սիմոն Ֆելեկյանին։ Գրել է բանաստեղծություններ, որոնք լույս են տեսել Գևորգ Այվազյանի «Մամուլ» երգիծաթերթում։ 1880-85թթ պաշտոնավարել է Սկյուտարի ճեմարանում՝ որպես հայոց լեզվի դասատու։ Նույն այդ տարիներին կարճ ժամանակով հրատարակել է «Ընտանիք» հանդեսը, սակայն չունենալով հաջողություն, ընդհատել է և ամբողջովին նվիրվել ուսուցչական աշխատանքին։ Կազմել է դասագրքեր, ձեռնարկներ, ընթերցարաններ և այլն, ինչպես՝ «Հավաքածո ընտիր գրվածոց ազգային և օտար մատենագրաց, աշխարհիկ լեզվով», որի Ա մասը արժանացել է 5 տպագրության, Բ մասը՝ 4, «Փնջիկ, նախապատրաստական տարի, հայերեն արտասանությանց», արժանացել է բազմաթիվ տպագրությունների։ 1907թ. լույս է տեսել նրա «Նոր քերականություն հայերեն գրաբար լեզվի» դասագիրքը, 1909թ.՝ «Նոր բառգիրք հայերեն լեզվի» բառարանը։ Բացի վերոհիշյալ գրքերից՝ տպագրել է «Թեոդոր Սալհունի կամ քրիստոնյա Նահատակը» ողբերգությունը, Րաֆֆու, Մատթեոս Իզմիրլյանի կենսագրությունները, «Բախտացույց ու երազահան», «Առձեռն նամականի» և այլն։ 1919-40թթ 20 տարի հրատարակել է «Գրպանի տարեցույց» փոքրիկ գրքույկները, որոնք բացի տոմարական գիտելիքներից՝ պարունակում են բանասիրական և գրական նյութեր։ Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար