Հակոբ Մարթայան

Լեզվաբան, թուրքագետ

Գուրգեն Ալեմշահ

Կոմպոզիտոր, դիրիժոր

Շանթ Հերթևցյան

Գեղանկարիչ

Շառլ Ազնավուր

Երգիչ, երգահան, դերասան

Նորայր Ժամհարյան

Կոմպոզիտոր, բլուլահար, դուդուկահար

Աննա Ջանբազյան

Բալետի արտիստ, պարուսույց

Անահիտ Ներսիսյան

Օպերային երգչուհի

 

 

 

 

ՄԱՆՈՒԵԼ ՔԱՋՈՒՆԻ

Մանկավարժ

11 օգոստոս, 1823 - 1 դեկտեմբեր, 1903

Ծնվել է Կոստանդնուպոլսում։ Ավարտել է Վենետիկի Ռափայելյան վարժարանը: 1843թ-ից եղել է Վենետիկի Մխիթարյան միաբանության անդամ։ Աշխատել է Կ.Պոլսի Մխիթարյան վարժարաններում որպես ուսուցիչ և տեսուչ: 1848-51թթ եղել է «Բազմավեպի» խմբագրի տեղակալը՝ բնական գիտությունների գծով, 1883թ-ից ղեկավարել է Մուրատ-Ռափայելյան վարժարանը։ 1903թ. ընտրվել է Վենետիկի միաբանության թագադիր աբբա։ Պարգևատրվել է իտալական Ասպետական խաչով (1897թ.)։ Նպաստել է հայկական վարժարաններում բնագիտական առարկաների դասավանդումը բարելավելու և գիտության պահանջներին համապատասխանեցնելու գործին։ Ստեղծել է մաթեմատիկայի, քիմիայի, ֆիզիկայի, մեխանիկայի դասագրքեր: 1869-75թթ Սբ. Ղազար կղզում հիմնել է ֆիզիկայի ուսումնական լաբորատորիա։ Ժամանակի գիտական գիտելիքների յուրատեսակ հանրագիտարան է նրա «Արվեստաբանություն կամ շտեմարան գիտելեաց» գիրքը (1875թ.)։ Հեղինակել է գյուղատնտեսության տարբեր ճյուղերի վերաբերյալ գիտահանրամատչելի աշխատություններ։ Նրա գլխավոր երկը «Բառգիրք արվեստից և գիտութեանց և գեղեցիկ դպրութեանց» պատկերազարդ հանրագիտական բառարանն է (հ.1-3, 1891-93թթ)։ Նրա «Հնախոսություն Հայաստանի» (1855թ.) և «Աշխարհագրություն հին և նոր Հայաստանի» (1857թ.) ուսումնական ձեռնարկները գրված են Ղ.Ինճիճյանի աշխատությունների հիման վրա։ Առաջարկել է քիմիական նյութերի անվանակարգման սեփական եղանակ, մշակել և շրջանառության մեջ է դրել բազմաթիվ հայերեն գիտական տերմիններ։ Մահացել է Կոստանդնուպոլսում, թաղվել է Վենետիկի Սբ. Ղազար կղզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար