Հարություն Սվաճյան

Գրող, պետական գործիչ, հրապարակախոս

Սենեքերիմ Արծրունի

Դրամատուրգ, թարգմանիչ

Հրանտ Տեր-Անդրեասյան

Գրականագետ, պատմաբան, թարգմանիչ

Հրաչյա Գրիգորյան

Գրականագետ

Վահե Վահյան

Բանաստեղծ

Ժիրայր Ավետիսյան

Կինոռեժիսոր

Վիլլի Մոկացյան

Ջութակահար

Արմեն Ադամյան

Երգահան, երգիչ, կիթառահար

Վահագն Տեր-Հակոբյան

Կինոօպերատոր

 

 

 

 

ՏԻԳՐԱՆ ՔԵԼԵԿՅԱՆ

Դիվանագետ, հավաքորդ

19 հունվար, 1868 - 30 հունվար, 1951

Ծնվել է Կեսարիայում (այժմ՝ Թուրքիայում)։ Նախնական կրթությունն ստացել է Կոստանդնուպոլսի Հակոբ Գուրգենի հայկական վարժարանում։ 1892թ. եղբոր՝ Գևորգի հետ Կ.Պոլսում հիմնել են անտիկ իրերի բիզնես։ 1893թ. Չիկագոյի միջազգային ցուցահանդեսում հիմնել է Պարսկաստանի տաղավարը և ցուցադրել արևելյան իրերի իր հավաքածուն։ 1904թ. ԱՄՆ-ի Սենտ-Լուիս քաղաքում նշանավոր գորգավաճառ Հովհաննես Թավշանճյանի հետ սեփական ծախսով կառուցել են մի թանգարան-տաղավար, որտեղ ցուցադրել են պատմական գորգերի ու կերպասների թանկարժեք, հարուստ հավաքածու։ Պարսկական արվեստը միջազգային ասպարեզ հանելու, Պարսկաստանին մատուցած ծառայությունների համար Պարսկաստանի շահի կողմից արժանացել է խանի տիտղոսի, պարգևատրվել «Շիր ի խուրշիդ» շքանշանով և 1884-1904թթ եղել է Նյու Յորքում Պարսկաստանի պատվավոր հյուպատոսը: Ադանայի կոտորածներից (1909թ.) հետո 1912թ. հիմնել է Դյորթ Յոլի «Քելեկյան» որբանոցը, որը հետագայում փոխադրվել է Բեյրութ և գոյատևել մինչև 1932թ., այսինքն, մինչ որբերը կմեծանային։ 1910թ-ից եղել է Հ.Բ.Ը. միության բարերար, 1929թ-ից՝ փոխնախագահը։ Բարեգործություն է արել նաև Կ.Պոլսի Սբ. Փրկչյան ազգային հիվանդանոցին, Երուսաղեմի Սբ. Հակոբ վանքին, Կեսարիայի որբերին, Փարիզի հայ ուսանողներին, Կահիրեի «Կեսարիո և շրջակայքի հայրենակցական միությանը։ Նրա հավաքածուն պարունակել է միջագետքյան, ղպտական, պարսկական հախճապակյա իրեր, բյուզանդական, մահմեդական մետաքսեղեն, հյուսվածքներ, թավիշներ, գորգեր, հայկական նկարազարդ ձեռագրեր, որոնք ներկայացվել են Փարիզի Դեկորատիվ արվեստի թանգարանում (1907թ.), Լոնդոնի Սաութ Քենսինգթոնի (1912թ.) ու Բրլինգտոն Հաուզի (1931թ.) և այլ ցուցահանդեսներում։ Փարիզում 1910-ական թվականներից նյութական և բարոյական աջակցություն է ցույց տվել նկարիչներ Ժ.Բրաքին, Ա.Մատիսին, Պ.Պիկասսոյին, ինչպես և Դպրոցասեր տիկնանց վարժարանին։ Հայաստանի ազգային պատկերասրահին նվիրել է հայ նկարիչների (այդ թվում՝ Զ.Զաքարյանի, Գ.Շլդյանի) 18 նկարները, Մ.Մաշտոցի անվան Մատենադարանին՝ Իգնատիոսի նկարազարդած 13-րդ դարի ավետարանը։ Եռանդորեն մասնակցել է ազգային-քաղաքական խնդիրների լուծմանը. 1912-20թթ եղել է Ազգային պատվիրակության անդամ, 1918-20թթ՝ Համահայկական համագումարների պատգամավոր և ջանք չի խնայել Հայ դատի, հայոց պետականության վերականգնման և ամրապնդման համար։ 1936թ. այցելել է ԽՍՀՄ, Լենինգրադում մասնակցել պարսկական արվեստի 3-րդ միջազգային կոնգրեսին։ Պարգևատրվել է Ֆրանսիայի «Պատվո լեգեոն» շքանշանով։ Մահացել է Նյու Յորքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար