ՋԱԼԱԼ ՏԵՐ-ԳՐԻԳՈՐՅԱՆ

Թարգմանիչ, մանկավարժ

21 ապրիլ, 1866 - 31 օգոստոս, 1940

Ծնվել է Արցախի Մարտակերտի շրջանի Մաղավուզ գյուղում: 1882թ. ավարտել է Շուշիի ռեալական ուսումնարանը, 1887թ.՝ Թիֆլիսի ուսուցչական ինստիտուտը։ Որպես ուսուցիչ և տեսուչ աշխատել է Ախալքալակում, Ստավրոպոլում, 1922թ-ից՝ Ջալալօղլիում (այժմ՝ Ստեփանավան), Դիլիջանում։ Եղել է 1890-ական թվականների Թիֆլիսի գրական-հասարակական կյանքի ակտիվ մասնակիցներից, մոտ հարաբերություններ պահպանել Ղ.Աղայանի, Հ.Թումանյանի, Ա.Իսահակյանի, Դ.Դեմիրճյանի և ուրիշների հետ։ Աշխատակցել է «Մշակ», «Նոր-Դար», «Տարազ», «Մուրճ» և այլ պարբերականների (Սալլյումյան և այլ ծածկանուններով), հրատարակել է վիպակներ, ակնարկներ, զանազան բնույթի հոդվածներ։ Մասնակցել է Վերնատան, Թիֆլիսի Հայոց հրատարակչական ընկերության աշխատանքներին։ Թարգմանել է Մ.Գորկու «Մրրկահավի երգը», Ն.Գոգոլի «Խելագարի հիշատակարանը», Վ.Շեքսպիրի «Անտունի սանձահարումը», Ա.Սումբատով-Յուժինի «Դավաճանություն», Պշիբիշևսկու «Ձյուն» պիեսները։ 1934թ-ից եղել է Հայաստանի գրողների միության անդամ: Նրա գրչին է պատկանում «Պեստալոցցի» մենագրությունը։ 1931թ. լուսավորության բնագավառում երկարամյա բեղմնավոր աշխատանքի համար արժանացել է Հայաստանի աշխատանքի հերոս կոչման։ Մահացել է Մաղավուզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար