ԱՐԻՍՏԱԿԵՍ ՎԱՐԴԱՆՅԱՆ

23 մարտ, 1887 - 31 դեկտեմբեր, 1941

Ծնվել է Կուտինա (այժմ՝ Քյոթահիա, Թուրքիա) քաղաքում: Կրթությունն ստացել է Վիեննայի Մխիթարյան միաբանության դպրոցում։ 1910թ. ձեռնադրվել է քահանա։ 1924-30թթ եղել է «Հանդես ամսօրյա»-ի խմբագիրը (Համազասպ Ոսկյանի հետ)։ «Ազգային մատենադարան» շարքով լույս են տեսել նրա «Բառաքննական դիտողություններ» (պրակ 1-4, 1913-23թթ), «Դասական մանր բնագիրներ և ձեռագրական համեմատություններ» (հ.1-2, 1913-23թթ), «Մատենագրությունք Եվթաղի, քննություն և բնագրեր» (1930թ.) և այլ լեզվաբանական ու բանասիրական գործեր։ Կատարել է թարգմանություններ, գրել բանաստեղծություններ։ Կյանքի վերջին տասնամյակում հրաժարվել է միաբանությունից։ Մահացել է Փարիզում: