ՊԵԱՏՐԻՍ ՎՈԼՏԵՐ

12 հուլիս, 1902 - 7 ապրիլ, 1972

Պեատրիս Եկենյան

Ծնվել է Կոստանդնուպոլսում։ Եղել է դերասան, բեմադրիչ Օննիկ Վոլտերի կինը։ Նախնական կրթությունն ստացել է տեղի Գափամաճյան վարժարանում: Որոշ ժամանակ սովորել է Ա.Անտուանի դրամատիկական դասընթացներում։ Երկու տարի Մ.Մնակյանի, Ս.Պենկլյանի և Ահմեդ Ֆեհիմի թուրքական խմբերում խաղալուց հետո, 1918թ. անցել է Ֆելեկյան քույրերի հայկական դրամատիկական խումբը։ 1920-23թթ Եգիպտոսում մասնակցել է դերասաններ Բարսեղ Աբովյանի և Մաթևոս Սանամյանի, Հովհաննես Աբելյանի, Հովհաննես Զարիֆյանի կազմակերպած ներկայացումներին: 1923թ-ից, ամուսնու հետ ընդգրկվել է «Եգիպտահայ դրամատիկ» խումբը, խաղացել դրամատիկ հերոսուհիների դերեր։ 1930-ական թվականներին շրջագայել է Լիբանանում, Ռումինիայում, Հունաստանում, Կիպրոսում։ Դերակատարումներից են՝ Մարգարիտ (Ա.Շիրվանզադեի «Պատվի համար»), Շուշանիկ (Ս.Բյուրատի «Վարդանանք»), Ժակլին (Ա.Բիսսոնի «Անհայտ կին»), Ռոզալիա (Ջակոմետտիի «Ոճրագործի ընտանիքը»), Դեգդեմոնա (Վ.Շեքսպիրի «Օթելլո»), Մարգարիտ Գոթիե (Ա.Դյումա-որդու «Կամելիազարդ տիկինը») և այլն։ Մահացել է Կահիրեում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ