Հովհաննես Մկրյան

Բանասեր, պատմաբան

Լևոն Շանթ

Դրամատուրգ, արձակագիր

Հակոբ Սիրունի

Հայագետ, արևելագետ, գրող, գրականագետ

Լևոն Մելքոնյան

Ճարտարապետ

Գագիկ Սարգսյան

Պատմաբան, արևելագետ

Էռնեստ Մարտիրոսյան

Կինոռեժիսոր

Ազատ Եղիազարյան

Գրականագետ, գրող

Մարկ Աղաբալյանց

Կոմպոզիտոր, արձակագիր

Սոնա Վերդյան

Հաղորդավար, դաշնակահար

 

 

 

 

ՍՈՒՔԻԱՍ ՍՈՄԱԼՅԱՆ

Բանասեր, բառարանագիր, թարգմանիչ

24 հունվար, 1776 - 11 փետրվար, 1846

Ծնվել է Կոստանդնուպոլսում։ Եղել է Վենետիկի Մխիթարյան միաբանության անդամ, քահանա (1804թ.), աբբահայր (1824թ-ից), արքեպիսկոպոս (1826թ.)։ Մեծ ջանքեր է գործադրել միաբանության հեղինակության ամրապնդման համար, եղել Հնդկաստանում, բացել Մուրատ-Ռափայելյան առաջին վարժարանը (1853թ., Պադուա. հետագայում տեղափոխվել է Փարիզ)։ Ձեռնամուխ է եղել հայ հին մատենագրության տպագրությանը՝ «Մատենագրութիւնք նախնեաց» մատենաշարով լույս է տեսել նրա կազմած «Սրբոյ հորն մերոյ Եղիշեի վարդապետի մատենագրութիւնք» (1838թ.) ժողովածուն (համահեղինակ՝ Ներսես Սարգիսյան)՝ առաջաբանով, ծանոթագրություններով և տեքստաբանական ուսումնասիրությամբ։ Գրել է հայ հին գրականության պատմությունը («Պատկեր հայկական դպրության», 1820թ., իտալերեն) և հայ հին թարգմանությունների մատենագիտությունը («Ցուցակ թարգմանութեանց նախնեաց», 1825թ., իտալերեն)։ Կազմել է գործնական նշանակության հինգ բառարան (1835թ., 1843թ.)՝ հայերեն, անգլերեն և տաճկերեն բառանյութի ընդգրկումով։ Հայերեն է թարգմանել Սոավեի «Կենդանագիր զգաստ ել զգօն անձին» և Ֆենելոնի «Իմաստք ողջախոհ մտաց» (1836թ.) փոքրածավալ գործերը։ Մահացել է Վենետիկում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար